ఘాజియాబాద్‌: తాగిన మత్తులో కొంత మంది యువకులు.. బిజీ రోడ్డులో కారుపైకి ఎక్కి చేసిన వెర్రి చేష్టలు సోషల్ మీడియాలో వైరల్ అయ్యాయి. ఈ వీడియో సోషల్ మీడియాలో పబ్లిష్ అయిన కొన్ని గంటలకే పోలీసులు స్పందించి.. ఆ కారు ఓనర్‌‌పై భారీ జరిమానా విధించారు. ఈ ఘటన ఉత్తరప్రదేశ్‌లోని ఘాజియాబాద్‌లో జరిగింది.
Meanwhile in Ghaziabad, a group of boys, visibly drunk, dancing on the roof of their car on the Delhi-Meerut expressway.
— Prashant Kumar (@scribe_prashant) April 2, 2022
Hope @ghaziabadpolice makes them dance to their tunes in the lockup sooner. pic.twitter.com/mJck8JQ4Kh
యూపీలోని ఘాజియాబాద్‌లో ఢిల్లీ మీరట్ ఎక్స్‌ప్రెస్‌ వేపై కొంత మంది యువకులు తాగిన మత్తులో వెర్రి చేష్టలు చేశారు. కారు నెమ్మదిగా నడస్తుండగానే ఇద్దరు యువకులు కారు పైకి ఎక్కి చిందులు వేశారు. దీనిని అటువైపుగా కారులో వెళ్తున్న మరో వ్యక్తి వీడియో తీసి సోషల్ మీడియాలో పెట్టారు. ప్రసాద్ కుమార్ అనే వ్యక్తి తన ట్విట్టర్ హ్యాండిల్‌లో ఆ వీడియోను పెట్టి.. ఆ యువకులపై యాక్షన్ తీసుకోవాలంటూ ఘాజియాబాద్‌ పోలీసులకు ట్యాగ్ చేశాడు. అతడు నిన్న రాత్రి 8.39 గంటల సమయంలో ఈ వీడియోను ట్వీట్ చేయగా.. కొన్ని గంటల్లోనే పోలీసులు స్పందించారు. ఆ కారుపై ఏకంగా రూ.20 వేలు జరిమానా విధించారు. ఈ విషయాన్ని అర్ధ రాత్రి 12.23 గంటలకే ట్విట్టర్‌‌లో పోస్ట్ కూడా చేశారు.
श्रीमान जी ट्वीटर पर प्राप्त शिकायत का संज्ञान लेते हुए उक्त वाहन स्वामी के विरुद्ध यातायात नियमों का उल्लंघन करने पर कुल 20000 रू0 की चालानी कार्यवाही की गई। pic.twitter.com/CHyJRemWaE
— Gzb Traffic police (@Gzbtrafficpol) April 1, 2022
