కోల్బెల్ట్, వెలుగు : మాలల సంక్షేమానికి కృషిచేసే పార్టీకే ఓటు వేయాలని మాలమహానాడు రాష్ట్ర అధ్యక్షుడు పిల్లి సుధాకర్ పిలుపునిచ్చారు. రాజకీయంగా, ఆర్థికంగా, సామాజికంగా మరింత అభివృద్ధి చెందేందుకు సమష్టి కృషి అవసరమని ఆయన పేర్కొన్నారు. ఆదివారం మందమర్రిలోని సింగరేణి సీఈఆర్క్లబ్లో నిర్వహించిన మాలమహానాడు సభలో ఆయన మాట్లాడారు.
తుంగతుర్తిలో మాల కులస్తుడు అద్దంకి దయాకర్కు కాంగ్రెస్ టికెట్ ఇవ్వాలని డిమాండ్చేశారు. ఎస్సీ వర్గీకరణ అంశం పక్కన పెట్టి ఉమ్మడి రిజర్వేషన్ల పెంపు కోసం దళితులు ఐక్యం కావాలని సూచించారు. ఓటు చైతన్యంతో అంబేద్కర్ ఆశయాలను కొనసాగించాలన్నారు. అంతకుముందు బీఆర్ అంబేద్కర్, మాల సంఘం వ్యవస్థాపక అధ్యక్షుడు పీవీ రావు ఫొటోలకు ఆయన పూలమాల వేసి నివాళులర్పించారు.
