న్యూఢిల్లీ: డెకాకార్న్ ఫిన్‌‌‌‌‌‌‌‌టెక్ సంస్థ ఫోన్పేలో వాల్మార్ట్ వాటా 89 శాతం నుంచి 85 శాతానికి పడిపోయింది. ఫోన్పే తాజా రౌండ్‌‌‌‌‌‌‌‌లో మొత్తం 850 మిలియన్ డాలర్ల ప్రాథమిక మూలధనాన్ని సేకరించింది. ఈ ఏడాది ఏప్రిల్ 30తో ముగిసిన మూడు నెలల్లో ఫోన్పే కోసం కొత్త రౌండ్లలో వాల్మార్ట్ 0.5 బిలియన్ డాలర్లను అందజేసింది.
ఈ ఏడాది ఏప్రిల్ 30 వరకు, వాల్మార్ట్ గ్రూప్ నుంచి 200 మిలియన్ క్యాపిటల్ ఇన్‌‌‌‌‌‌‌‌ఫ్యూషన్‌‌‌‌‌‌‌‌తో సహా 750 మిలియన్ డాలర్లను ఫోన్పే సేకరించింది. జనరల్ అట్లాంటిక్ దాని సహ-పెట్టుబడిదారులు 12 బిలియన్ డాలర్ల ప్రీ-మనీ వాల్యుయేషన్‌‌‌‌‌‌‌‌లో బిలియన్ ఫండింగ్ రౌండ్‌‌‌‌‌‌‌‌లో 550 మిలియన్ డాలర్లను అందించారు.
రిబ్బిట్ క్యాపిటల్, టైగర్ గ్లోబల్, టీవీఎస్ క్యాపిటల్ ఫండ్‌‌‌‌‌‌‌‌లు ఈ ఫండింగ్ రౌండ్‌‌‌‌‌‌‌‌లో 100 మిలియన్ డాలర్లు పెట్టుబడి పెట్టాయి. కాగా, యూపీఐ సెగ్మెంట్‌‌లో ఫోన్పే లీడర్‌‌‌‌గా కొనసాగుతోంది.
