మహిళా రిజర్వేషన్ బిల్లును ఎంఐఎం ఎంపీ అసదుద్దీన్ ఒవైసీ వ్యతిరేకించారు. బుధవారం లోక్ సభలో బిల్లుపై చర్చ సందర్భంగా ఆయన మాట్లాడుతూ.. మహిళా రిజర్వేషన్ బిల్లుకు ఎంఐఎం వ్యతిరేకమని చెప్పారు. దీనికి కారణం ఓబీసీ, ముస్లిం మహిళల గురించి ఈ బిల్లులో ప్రస్తావన లేదని చెప్పారు. అగ్రవర్ణాల మహిళలను మాత్రమే మోదీ ప్రభుత్వం ముందుకు తీసుకెళ్లాలని చూస్తోందని విమర్శించారు.
ముస్లిం మహిళల జనాభా 7 శాతం ఉందని లోక్ సభలో వారి ప్రాతినిధ్యం కేవలం 0.7 శాతం మాత్రమే ఉందదన్నారు ఒవైసీ. ముస్లిం మహిళలు చదువులో కూడా వెనకబడి ఉన్నారని.. వారికి రిజర్వేషన్ సద్వినియోగం కావాలని కోరారు ఒవైసీ.
