- నష్టపరిహారం చెల్లించాలని ఓపెన్ కాస్ట్ ఎదుట ఆందోళన
భూపాలపల్లి రూరల్, వెలుగు: సింగరేణి బొగ్గు గనుల్లో భూములు కోల్పోయిన నిర్వాసితులకు నష్టపరిహారం చెల్లించాలని కాలనీల వాసులు డిమాండ్ చేశారు. శుక్రవారం భూపాలపల్లి పరిధి ఫకీరు గడ్డ, ఆకుదారి వాడ, హనుమాన్ నగర్, శాంతినగర్ వాసులు కేటీకే ఓసీపీ- ముందు ఆందోళనకు దిగారు.
పదేండ్లుగా భూ నిర్వాసితు లకు నష్టపరిహారం చెల్లించకుండా సింగరేణి యాజమాన్యం నిర్లక్ష్యం చేస్తూ కాలం వెళ్లదీస్తుందని మండిప్డడా రు. వెంటనే నష్టపరిహారం చెల్లించాలని గేటు ముందు బైఠాయించి రాకపోకలను అడ్డుకున్నారు.
పరిస్థితి ఆందోళనకరంగా మారడంతో భూపాలపల్లి సీఐ జి.నరేశ్కుమార్ నచ్చజెప్పి ప్రయత్నం చేశారు. ఈ విషయం తెలుసుకున్న జీఎం రాజేశ్వర్ రెడ్డి వెళ్లి, త్వరలోనే నష్టపరిహారం అందించేందుకు కృషి చేస్తానని హామీ ఇవ్వడం తో విరమించారు. జిల్లా గ్రంథాలయ మాజీ చైర్మన్ బుర్ర రమేశ్గౌడ్, నిర్వాసితులు బుర్ర మనోజ్, బుర్ర వేణు, బుర్ర రాజయ్య, విశాల్, తిరుపతి నాయక్, భీమనపల్లి మహేందర్, ఇస్లావత్ సమ్మయ్య ఉన్నారు.
