ముంబై: మరో ఆరు నెలల వరకు మాస్కులు తప్పనిసరిగా కట్టుకోవాలని మహారాష్ట్ర సీఎం ఉద్ధవ్ ఠాక్రే అన్నారు. ఈ మేరకు తమ రాష్ట్రంలో మాస్కులు కట్టుకోవడం తప్పనిసరి అని తెలిపారు. ‘నివారణ కంటే నిరోధించడం ముఖ్యం. కనీసం మరో ఆరు నెలల వరకు మాస్కులు కట్టుకోవడాన్ని అలవాటు చేసుకోవాలి. ఇది చాలా అవసరం. దీన్ని ప్రజలు అర్థం చేసుకోవాలి’ అని ఉద్ధవ్ చెప్పారు. మహా వికాస్ అఘాడీ సర్కార్ ఏడాది కాలాన్ని పూర్తి చేసుకోవడంపై ఆయన హర్షం వ్యక్తం చేశారు. తమ ప్రభుత్వం కూలిపోతుందని అందరూ అనుకున్నారని, కానీ విజయవంతంగా ఏడాదిని పూర్తి చేసుకున్నామని తెలిపారు. గత వందేళ్లలో ఏ ప్రభుత్వమూ ఎదుర్కోనన్ని సమస్యలను ఈ ఏడాది కాలంలో తాము ఎదుర్కొన్నామని పేర్కొన్నారు.
