రాష్ట్రంలోని పలు చోట్ల భారీ నుంచి అతి భారీ వర్షాలు కురుస్తున్నాయి. సెప్టెంబర్ 10న కుండపోత వర్షం కురవగా.. ఈరోజు సాయంత్రం సైతం భారీ వర్షం కురిసే అవకాశం ఉన్నట్టు అధికారులు అంచనా వేస్తున్నారు. తెలంగాణలోని ఇతర జిల్లాల్లో సాయంత్రం, రాత్రి సమయంలో తేలికపాటి నుంచి మోస్తరు వర్షాలు కురుస్తాయని అంటున్నారు. హైదరాబాద్లోని భారత వాతావరణ శాఖ (ఐఎండీ) ఈరోజు రాష్ట్రానికి ఎలాంటి హెచ్చరికలు జారీ చేయలేదు. హైదరాబాద్లోని ఆరు మండలాల్లో తేలికపాటి నుంచి ఓ మోస్తరు వర్షాలు లేదా ఉరుములతో కూడిన జల్లులు కురిసే అవకాశం ఉందని వాతావరణ శాఖ తెలిపింది.
తెలంగాణ స్టేట్ డెవలప్మెంట్ ప్లానింగ్ సొసైటీ (టిఎస్డిపిఎస్) నివేదిక ప్రకారం, రంగారెడ్డి జిల్లా కొందుర్గ్ మండలంలో నిన్న రాష్ట్రంలో అత్యధికంగా 91 మి.మీ వర్షపాతం నమోదైంది. సెప్టెంబర్ 10న హైదరాబాద్లోని గోల్కొండలో అత్యధికంగా 49.5 మిల్లీమీటర్ల వర్షపాతం నమోదైంది. నగరంలోని ఇతర ప్రాంతాలైన ముషీరాబాద్, సైదాబాద్, నాంపల్లి, చార్మినార్, ఖైరతాబాద్, షేక్పేట్, సికింద్రాబాద్, మారేడ్పల్లి, ఆసిఫ్నగర్, బహదూర్పురా, అంబర్పేట్లో 30 మిల్లీమీటర్లకు పైగా వర్షపాతం నమోదైంది. నగరంలో ఈరోజు వర్షపాతం ఉన్నందున, నివాసితులు అవసరమైన జాగ్రత్తలు తీసుకోవాలని, తదనుగుణంగా తమ ప్రయాణాలను ప్లాన్ చేసుకోవాలని అధికారులు సూచిస్తున్నారు.
After seeing the sky, you must have got the answer why no holiday is expected today
— Telangana Weatherman (@balaji25_t) September 11, 2023
Today there will be scattered spells of light - moderate rains in Telangana during evening - night. Hyderabad can catch a spell of rain during evening - night mostly https://t.co/pxgBhzuQ3O