వాట్సాప్.. యూజర్లకు గుడ్ న్యూస్ చెప్పింది. త్వరలో సూపర్ ఫీచర్ ను అందుబాటులోకి తీసుకొస్తున్నట్లు ప్రకటించింది. ఎక్స్ పైరింగ్ గ్రూప్స్ పేరుతో కొత్త అప్ డేట్ ని తీసుకురానుంది. సాధారణంగా చాలామంది కొద్దిరోజుల కోసం వాట్సాప్ గ్రూప్ లు క్రియేట్ చేసుకుంటుంటారు. ఆ తర్వాత ఆ గ్రూప్స్ ను డిలీట్ చేయడం మర్చిపోతుంటారు. అలాంటివాళ్ల కోసం ఎక్స్ పైరింగ్ గ్రూప్స్ పేరుతో వాట్సాప్ కొత్త అప్ డేట్ తీసుకొస్తోంది. దీనివల్ల యూజర్ అనుకున్ని నిర్ణీత కాలవ్యవధిలో ఆ గ్రూప్ ఆటోమేటిక్ గా డిలీట్ అయిపోతుంది. ఈ ఫీచర్ కావాలంటే గ్రూప్ క్రియేట్ చేసుకునేటప్పుడే సెట్టింగ్స్ లో సెలక్ట్ చేసుకోవాలి. ప్రస్తుతం బీటా టెస్టింగ్ స్టేజ్ లో ఉన్న ఈ ఫీచర్ త్వరలోనే అందుబాటులోకి తీసుకొస్తామని వాట్సాప్ ప్రకటిచింది.
