ప్రస్తుతం పనివిధానమే కాదు.. లైఫ్ స్టైల్ కూడా మారిపోయింది. అందుకే చాలా మంది పూర్వకాలంలో పెద్దలు నిర్మించిన పెద్ద పెద్ద ఇళ్లను రిమూవ్ చేసి ఆధునిక కాలంలో జీవనశైలికి అనుగుణంగా ఇళ్లు నిర్మించుకుంటున్నారు. ప్రస్తు కాలానికి సరిపోయేలా సరికొత వాస్తు గురించి పూర్తి వివరాలను ఈ స్టోరీలో తెలుసుకుందాం..
ఆధునికయుగంలో వాస్తు సిద్దాంతాన్ని దిశలకే పరిమితం చేయకుండా అంటే ఆ పద్దతులను పాటిస్తూ.. పర్యావరణాన్ని కాపాడేలా గ్రీన్ వాస్తుకు ప్రాధాన్యత ఇవ్వడం కొత్త ట్రెండ్ మొదలైంది. గతంలో లైటింగ్ కోసం కిరసనాయిల దీపాలు ఉండేవి.. తరువాత ఎలక్ట్రిసిటి వచ్చింది.
సోలార్ ప్యానెల్స్ ప్రస్తుతం చాలామంది వీటిని వాడుతున్నారు. ఈ సోలార్ ప్యానెల్స్ను వాస్తు ప్రకారం ఆగ్నేయంలో అమర్చాలని వాస్తు పండితులు చెబుతున్నారు. ఎందుకంటే ఆగ్నేయం దిక్కు శక్తికి మూలం.. ఆ దిక్కులో ఉన్న వస్తువులకు బాగా శక్తి ఉంటుంది. అక్కడ ఉంచిన వస్తువులతో కూడాచాలా జాగ్రత్తగా ఉండాలి. ఆగ్నేయంలో స్టవ్.. పొయ్యి మొదలైనవి ఉండాలంటారు. వీటి నుంచి మంటకు చాలా శక్తి ఉంటుంది కదా.. అందుకే ఈ దిక్కులో టాప్ పైన సోలార్ ప్యానెల్స్ ను ఉంచితే ఇంధన శక్తి పెరిగే అవకాశం ఉందని పండితులు చెబుతున్నారు.
ఫోన్ చార్జింగ్ పాయింట్ : ప్రస్తుత కాలంలో ఎలక్ట్రానిక్ వస్తువులు వినియోగం బాగా పెరిగింది. వీటి వలన నెగిటివ్ ఎనర్జీ ఇంట్లోకి ప్రవేసిస్తుంది. దీనిని తగ్గించేందుకు ఇంటి ఈశాన్యంలో ఎటువంటి ఎలక్ట్రానిక్ పరికరాలు లేకుండా ఖాళీగా ఉంచాలి. ఇది మెదడుకు ప్రశాంతతను ఇస్తుంది. ఇన్వర్టర్ బ్యాటరీ.. జనరేటర్ వంటివి ఆగ్నేయంలో ఉండాలి. అలాగే ఫోన్, ల్యాప్ ట్యాప్ చార్జింగ్ పాయింట్లు వర్క్ ప్లేస్ గదిలో ఆగ్నేయంలో ఉండేవిధంగా ప్లాన్ చేసుకోండి.
ప్రస్తుతం పల్లెలకు కూడా అపార్ట్ మెంట్ కల్చర్ వచ్చింది. అలాంటప్పుడు మెత్తం వాస్తు చూడటం కష్టం.. ఎవరు ఉండే అపార్ట్ మెంట్ ఆధారంగా వాస్తును చూసుకోవాలి. ఇప్పుడు చిన్న ఇళ్లలో కూడా ఇంటి మధ్య భాగాన్ని ఖాళీగా ఉంచడం లేదా అక్కడ బరువైన సోఫాలు వేయకుండా ఉండటం వల్ల ఇంటి మొత్తం శక్తి ప్రసరణ సాఫీగా జరుగుతుందని చెబుతున్నారు.
Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనాన్ని వాస్తు పండితులసలహాలతో పాటు ఇంటర్నెట్ లో అందుబాటులో ఉన్న సమాచారం వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించరు. మీకున్న ఆధ్యాత్మిక నిపుణులను సంప్రదించటం ఉత్తమం.
