వేములవాడ, వెలుగు : రాజన్న సిరిసిల్ల జిల్లా వేములవాడ పట్టణంలో మంగళవారం పోలీసులు వాహనాలు తనిఖీలు చేస్తుండగా మందు బాబులు హంగామా చేశారు. చందుర్తి మండల కేంద్రానికి చెందిన దండుగుల రెడ్డి, గట్టయ్యతో పాటు మరికొంతమంది మందు తాగి రెండు బైక్‌‌లపై వస్తూ పట్టుబడ్డారు.
ఈ క్రమంలో వాహనాలు తనిఖీ చేస్తున్న ట్రాఫిక్ ఎస్ఐతో వాగ్వాదానికి దిగారు. పోలీస్ వాహనాన్ని ధ్వంసం చేశారు. అడ్డుకోబోయిన కానిస్టేబుళ్లపై దాడికి దిగారు. వారిని పోలీసులు అదుపులోకి తీసుకుని స్టేషన్కు తరలించారు. స్టేషన్లో సైతం పోలీసులను, సీఎం కేసీఆర్ను, మంత్రి కేటీఆర్ను నోటికి వచ్చినట్లు తిడుతూ రెండు గంటల పాటు వీరంగం చేశారు. వారిపై కేసు నమోదు చేసి దర్యాప్తు చేస్తున్నట్లు సీఐ వెంకటేశ్తెలిపారు.
