- ప్రధాన పార్టీలకు బీఎస్పీ, వైఎస్సార్టీపీ, జనసేన, టీజేఎస్ల టెన్షన్
- వాటికి పోలయ్యే ఓట్లు ఎవరి కొంప ముంచుతాయోనని పరేషాన్
హైదరాబాద్, వెలుగు : అసెంబ్లీ ఎన్నికల్లో చిన్న పార్టీలు చీల్చే ఓట్లతో ఎవరు లాభ పడతారు? ఎవరు మునుగుతారోనన్న చర్చ ప్రధాన రాజకీయ పార్టీల్లో మొదలయ్యింది. ముఖ్యంగా బీఎస్పీ, వైఎస్సార్టీపీ, జనసేన, టీజేఎస్టీడీపీలు చీల్చే ఓట్లు ఏ పార్టీలకు మేలు చేస్తాయి.. ఏ పార్టీల పుట్టి ముంచుతాయనే దానిపై లెక్కలు వేస్తున్నారు. కమ్యూనిస్టు పార్టీలు కాంగ్రెస్తో జట్టు కట్టడం దాదాపు ఖాయమని చెప్తున్నారు. ఒకవేళ సీట్లు సర్దుబాటు కాకుంటే సీపీఐ, సీపీఎం విడిగా పోటీ చేస్తే ఆ ప్రభావం ఎంతమేరకు ఉంటుందనే దానిపైనా చర్చ సాగుతోంది. అసెంబ్లీ ఎన్నికలకు షెడ్యూల్వచ్చిన నేపథ్యంలో రాష్ట్రంలో ఏ పార్టీ పరిస్థితి ఎలా ఉంది.. ఏ పార్టీకి ఏ మేరకు ఓట్లు రావచ్చు అనే దానిపై ఎక్స్ పర్ట్ లు దృష్టి సారించారు. ఈసారి ఎన్నికల్లో బీఆర్ఎస్, కాంగ్రెస్, బీజేపీల మధ్య ముక్కోణపు పోటీ తప్పదని అంచనా వేస్తున్నారు. గ్రేటర్హైదరాబాద్తో పాటు ఉత్తర తెలంగాణలో బీజేపీ ప్రాబల్యం ఉండగా దక్షిణ తెలంగాణలో కాంగ్రెస్పటిష్టంగా కనిపిస్తోంది. త్రిముఖ పోటీ ఉన్న చోట్ల చిన్న పార్టీలకు పోలయ్యే ఓట్లే విజేతలను నిర్ణయించే పరిస్థితి నెలకొంది.
టీజేఎస్ ఎఫెక్ట్ ఏ పార్టీపైనో..
తెలంగాణ ఉద్యమంలో కీలక పాత్ర పోషించిన ప్రొఫెసర్కోదండరామ్నేతృత్వంలోని తెలంగాణ జన సమితితోనూ కాంగ్రెస్చర్చలు జరుపుతోంది. ఒకవేళ పొత్తు కుదరకపోతే.. టీజేఎస్ అభ్యర్థులను పోటీకి దించితే ఉద్యమకారుల ఓట్లకు కొంతమేరకు గండిపడొచ్చు. అదే జరిగితే ఆ ప్రభావం ఎవరిపై పడుతుందని ప్రధాన పార్టీలు లెక్కలు వేసుకుంటున్నాయి.
కాంగ్రెస్తో లెఫ్ట్ పొత్తు దాదాపు ఖరారు
సీపీఐ, సీపీఎం మొదట బీఆర్ఎస్తో కలిసి పోటీ చేయాలనుకున్నా కేసీఆర్ వారికి అవకాశం ఇవ్వకుండా అభ్యర్థులను ప్రకటించారు. దీంతో కామ్రేడ్లు కాంగ్రెస్తో జట్టు కడుతున్నారు. ఈ పొత్తు దాదాపు ఖరారు అయినట్టుగా మూడు పార్టీల నాయకులు చెప్తున్నారు. ఉభయ కమ్యూనిస్టులు ఐదేసి ఎమ్మెల్యే సీట్లు డిమాండ్చేస్తున్నారు. ఒకవేళ సీట్ల సర్దుబాటుపై స్పష్టత రాకుంటే కమ్యూనిస్టులు కలిసి పోటీ చేసే అవకాశముంది. అదే జరిగితే కమ్యూనిస్టులు చీల్చే ఓట్లు కూడా ప్రధాన పార్టీల గెలుపు ఓటములను ప్రభావితం చేసే అవకాశం ఉంది.
బహుజన లెఫ్ట్ఫ్రంట్కూడా ఎన్నికల్లో పోటీకి దిగుతోంది. ఇప్పటికే కొందరు అభ్యర్థులను ప్రకటించింది. ఇక ప్రజాశాంతి పార్టీ అధ్యక్షుడు కేఏ పాల్కూడా తెలంగాణ అసెంబ్లీ ఎన్నికల్లో పోటీ చేస్తామని ప్రకటించారు. మునుగోడు ఉప ఎన్నికల్లో కేఏ పాల్పోటీ చేసి ప్రజల దృష్టిని ఆకర్శించారు. బీఆర్ఎస్, కాంగ్రెస్, బీజేపీ హోరాహోరీగా తలపడనున్న వచ్చే ఎన్నికల్లో చిన్న పార్టీలన్నింటికీ పోలయ్యే ఓట్లు ప్రధాన పార్టీల అభ్యర్థుల గెలుపు ఓటములను తేల్చడం ఖాయంగా కనిపిస్తోంది. ఆ ఎఫెక్ట్ఎవరిపై ఎంత మేరకు పడుతుంది? దానిని ఎదుర్కోవడానికి ఉన్న అవకాశాలపై పార్టీలు స్టడీ చేస్తున్నాయి.
బీఎస్పీ ఎఫెక్ట్ ఎంత?
రాష్ట్రంలోని119 స్థానాల్లో పోటీ చేస్తామని బీఎస్పీ స్టేట్ చీఫ్ డాక్టర్ ఆర్ఎస్ ప్రవీణ్కుమార్ ఐపీఎస్అధికారిగా, ఎస్సీ, ఎస్టీ గురుకులాల సెక్రటరీగా సుపరిచితుడైన ప్రవీణ్కుమార్ ఇప్పటికే రాష్ట్రవ్యాప్తంగా పర్యటించారు. అనేక నియోజకవర్గాలను కవర్ చేస్తూ పాదయాత్ర చేశారు. సిర్పూర్నియోజకవర్గం నుంచి ఆయన పోటీకి దిగుతున్నారు. అలాగే ఎన్నికల్లో పోటీ చేసే 20 మంది అభ్యర్థులతో మొదటి జాబితా ప్రకటించారు. ఈసారి ప్రతి నియోజకవర్గంలో చెప్పుకోదగ్గ స్థాయిలో ఓట్లు సాధిస్తామని ప్రవీణ్కుమార్ ధీమా వ్యక్తం చేస్తున్నారు. త్వరలోనే మిగతా నియోజకవర్గాలకు క్యాండిడేట్లను ప్రకటించే ప్రయత్నాల్లో ఉన్నారు. అలాగే విశారదన్ మహరాజ్ నాయకత్వంలోని ధర్మసమాజ్పార్టీ సైతం పోటీకి సిద్ధమవుతోంది. విశారదన్ రాష్ట్రమంతా పాదయాత్ర చేసి బడుగులకు అధికారమివ్వాలని విజ్ఞప్తి చేశారు. ఈ పార్టీ ప్రజలకు సుపరిచితమైనదే కావడంతో దాని ప్రభావం ఎంత మేరకు ఉంటుందనే దానిపైనా ఊహాగానాలు సాగుతున్నాయి.
వైఎస్సార్ టీపీ, జనసేన రంగంలోకి
ఉమ్మడి ఏపీ దివంగత సీఎం వైఎస్రాజశేఖర్రెడ్డి బిడ్డ షర్మిల వైఎస్సార్టీపీ పేరుతో పార్టీ పెట్టి దాదాపు 4 వేల కిలోమీటర్ల పాదయాత్ర చేశారు. ఈమెకు రాష్ట్ర వ్యాప్తంగా ఫాలోయింగ్ఉంది. షర్మిల కాంగ్రెస్తో కలిసి పోటీ చేసేందుకు ఆసక్తి చూపినా, కర్నాటక డిప్యూటీ సీఎం డీకే శివకుమార్తో చర్చలు జరిపినా చివరకు పొత్తు లేదని తేలిపోయింది. ఈ నేపథ్యంలో అన్ని స్థానాల్లో పోటీకి సిద్ధమవుతున్నారు. ఆశావహుల నుంచి అప్లికేషన్లు తీసుకొని అభ్యర్థులను ప్రకటించేందుకు సిద్ధమవుతున్నారు. జనసేన కూడా తెలంగాణలో 32 స్థానాల్లో పోటీ చేయనుంది. పవన్కల్యాణ్చరిష్మాతో ఆయా నియోజకవర్గాల్లో ఎంతమేరకు ఓట్లు పోలవుతాయనే దానిపైనా లెక్కలు వేస్తున్నారు. టీడీపీ అధినేత చంద్రబాబు నాయుడు అరెస్ట్తర్వాత కమ్మ కులం నేతలంతా ఏకమయ్యారు. వారంతా కాంగ్రెస్వైపు చూస్తున్నట్టుగా చెప్తున్నా, తెలంగాణలో టీడీపీ పోటీ చేస్తే ఆ పార్టీ ప్రభావం ఎంతమేరకు ఉండొచ్చు అనే దానిపై రకరకాల చర్చలు సాగుతున్నాయి.
