![దళితులకు రెండు సీట్లు కేటాయించడం హర్షణీయం](https://static.v6velugu.com/uploads/2024/03/why-asking-congress-for-seats-supporting-bjp_rRXhLbZGHM.jpg)
జూబ్లీహిల్స్, వెలుగు: కాంగ్రెస్ పార్టీ పెద్దపల్లి, నాగర్కర్నూల్ ఎంపీ స్థానాలను దళితులకు కేటాయించడం హర్షణీయమని మాలమహానాడు జాతీయ అధ్యక్షుడు జి.చెన్నయ్య అన్నారు. సీఎం రేవంత్రెడ్డి, పార్టీ అగ్రనేతలు సోనియాగాంధీ, రాహుల్గాంధీకు ఆయన కృతజ్ఞతలు తెలిపారు. శనివారం బంజారాహిల్స్లోని సంఘం ఆఫీసులో చెన్నయ్య మీడియాతో మాట్లాడారు. మాలలు మొదటి నుంచి కాంగ్రెస్పార్టీ వెన్నెంటే ఉన్నారని, కాంగ్రెస్దళిత, బలహీన వర్గాల పార్టీ అని అభివర్ణించారు.
కాంగ్రెస్అధికారంలోకి వచ్చిన 100 రోజుల్లోనే ఆరు హామీలను అమలు చేసిందని, దళిత, బలహీన వర్గాలకు16 కార్పొరేషన్లు ఏర్పాటు చేసి మాట నిలబెట్టుకుందని చెప్పారు. మందకృష్ణ మాదిగ బీజేపీకి సపోర్టు చేస్తూ.. కాంగ్రెస్పార్టీని ఎంపీ సీట్లు అడగడం ఏమిటని చెన్నయ్య ప్రశ్నించారు. సమావేశంలో మాల ప్రజా సంఘాల జేఏసీ వర్కింగ్చైర్మన్లు బూరుగుల వెంకటేశ్వర్లు, గోపూజ రమేశ్, మాల మహానాడు రాష్ట్ర ఉపాధ్యక్షుడు తాలూకా రాజేశ్, గ్రేటర్అధ్యక్షుడు బండ్ల శ్రీనివాస్, గోకుల్కల్యాణ్తదితరులు పాల్గొన్నారు.