బిగ్ బాస్ షోకు ప్రపంచవ్యాప్తంగా ఫ్యాన్స్ ఉన్నారు. అడుగుపెట్టిన అన్ని భాషల్లో సూపర్ హిట్ గా నిలిచింది ఈ షో. ఎక్కడో నెదర్లాండ్స్ లో పుట్టిన ఈ షో ప్రస్తుతం ఇండియాలో కూడా ఒక ఊపు ఊపేస్తోంది. అయితే ఈ షోను ఇష్టపడేవాళ్లు ఎంతమంది ఉన్నారు.. ద్వేషించేవారు కూడా అంతకంటే ఎక్కువే ఉన్నారు. దానికి చాలా కారణాలే ఉన్నాయి.
తాజాగా అలాంటి సంఘటనే హిందీ బిగ్ బాస్ లో జరిగింది. ప్రస్తుతం హిందీలో 17వ సీజన్ నడుస్తోంది. ఈ సీజన్ లో జంటగా అడుగుపెట్టారు ప్రముఖ బాలీవుడ్‌ కపుల్‌ అంఖిత లోఖండే.. విక్కీ జైన్‌. లోపలి వెళ్లిన కొన్నిరోజుల వరకు బాగానే ఉన్న ఈ జంట మధ్య అనుకోకుండా గొడవలు మొదలయ్యాయి. ఒకరిపై ఒకరు కామెంట్స్ చేసుకుంటూ రచ్చ చేస్తున్నారు. తాజాగా వచ్చిన ప్రోమో ఈ గొడవలు కాస్త నెక్స్ట్ లెవల్ కు వెళ్లినట్టు తెలుస్తోంది.
ఆ ప్రోమో చూసిన నెటిజన్స్ రకరకాలుగా రియాక్ట్ అవుతున్నారు.. పచ్చగా ఉన్న కాపురంలో బిగ్ బాస్ నిప్పులు పోస్తున్నారు అంటూ మండిపడుతున్నారు. అంతేకాదు ఈ గొడవల కారణంగా.. బయటకు వచ్చాక ఈ జంట విడాకులు తీసుకోనున్నారు అనే కామెంట్స్ వినిపిస్తున్నాయి. మరి ఇది నిజమేనా? లేక ప్రచారమా అనేది తెలియాలంటే మాత్రం ఈ జంట స్పందించే వరకు ఆగాల్సిందే.
ALSO READ : ఎలిమినేషన్ భయంలో రతికా.. ఎంత ఓవర్ యాక్షన్ చేసినా వర్కౌట్ అవలేదు
