తనతో అసభ్యంగా ప్రవర్తించిన ఒక తాగుబోతుకి చెప్పుతో బుద్ధి చెప్పింది ఓ మహిళ. ఈ సంఘటన మేడ్చల్ జిల్లా జవహార్ నగర్ పోలీస్ స్టేషన్ పరిధిలోని న్యూ దేవేందర్ నగర్ లో జరిగింది. నడిరోడ్డపై ఒంటరిగా వస్తున్న వివాహితను తాగిన మైకంలో ఉన్న ఓ యువకుడు అడ్డగించాడు. ఆమెతో అసభ్యంగా ప్రవర్తించాడు.
దీంతో ఆ మహిళ అక్కడి నుండి చాకచక్యంతో తప్పించుకుని స్థానికులకు విషయం తెలిపింది. వెంటనే ఆ వ్యక్తిని పట్టుకుని స్థానికుల సాయంతో స్తంభానికి కట్టేసి బాధిత మహిళా చెప్పుతో చెంప చెల్లుమనిపించింది. అనంతరం పోలీసులకు ఫిర్యాదు చేసి నిందితుడిని పోలీసులకు అప్పజెప్పారు. అక్కడ స్థానికంగా ఉన్న హర్షిత ఎన్ క్లెవ్ లోని నిర్మాణుష్య స్థలం పోకిరీలకు, తాగుబోతులకు అడ్డగా మారిందని, తరచూ ఇలాంటి ఘటనలు జరుగుతున్నాయని అక్కడి మహిళలు పోలీసులకు తెలిపారు.
