- యాదాద్రి కలెక్టర్ హనుమంతరావు
యాదగిరిగుట్ట, వెలుగు: ప్రభుత్వ ఆస్పత్రుల్లో నార్మల్ డెలివరీలు పెంచాలని, గర్భిణులకు మెరుగైన వైద్య చికిత్సలు అందించాలని యాదాద్రి జిల్లా కలెక్టర్ హనుమంతరావు సూచించారు. శనివారం బొమ్మలరామారం మండలం మర్యాలలోని పల్లె దవాఖానను ఆకస్మిక తనిఖీ చేశారు.
ఉన్నతాధికారులకు సమాచారం ఇవ్వకుండా విధులకు హాజరు కాని ఎమ్.ఎల్.ఎచ్.పి శ్రావణికి షోకాజ్ నోటీసులు జారీ చేశారు. ఆస్పత్రిలో అన్ని రకాల మందులు అందుబాటులో ఉన్నాయా.? అని అడిగి తెలుసుకున్నారు. అన్ని రకాల మందులు అందుబాటులో ఉంచుకోవాలని సూచించారు. అనంతరం గ్రామంలోని పశువుల ఆసుపత్రి, ఐకేపీ కొనుగోలు కేంద్రాలు పరిశీలించారు.
