యాదగిరిగుట్ట, వెలుగు : యాదగిరిగుట్ట శ్రీలక్ష్మీనరసింహస్వామి దేవస్థాన హుండీలను సోమవారం ఆలయ ఆఫీసర్లు లెక్కించారు. 25 రోజులుగా హుండీల్లో భక్తులు సమర్పించిన నగదు, బంగారం, వెండిని ఎస్పీఎఫ్, హోంగార్డుల భద్రత నడుమ కొండ కింద సత్యనారాయణస్వామి వ్రత మండపానికి తరలించి కౌంట్ చేశారు. ఇందులో రూ.2కోట్ల32లక్షల22వేల689 నగదు రాగా.. 230 గ్రాముల బంగారం, 4 కిలోల 420 గ్రాముల వెండి వచ్చిందని ఈఓ రామకృష్ణారావు చెప్పారు.
అలాగే 593 యూఎస్ డాలర్లు, 65 యూఏఈ దిర్హామ్స్, 65 ఆస్ట్రేలియన్, 220 కెనడా,10 సింగపూర్ డాలర్లు, 10 ఇంగ్లాండ్ పౌండ్స్, 122 సౌదీ అరేబియా, ఒమన్ 400 రియాల్స్, 15 యూరోస్ తో పాటు మరికొన్ని దేశాల కరెన్సీ వచ్చినందని ఈఓ చెప్పారు. చైర్మన్ నరసింహమూర్తి పర్యవేక్షించారు.
