యాదగిరిగుట్ట, వెలుగు: యాదగిరిగుట్ట లక్ష్మీనరసింహస్వామి దేవస్థానంలో కేశఖండన టికెట్ ధర పెరిగింది. స్వామివారి దర్శనం కోసం వచ్చిన భక్తుల్లో చాలామంది కల్యాణకట్టలో తలనీలాలు సమర్పించి మొక్కులు చెల్లించుకుంటారు. తలనీలాలు సమర్పించుకోవడం కోసం ప్రత్యేకంగా టికెట్ కొనుగోలు చేయాల్సి ఉంటుంది. ప్రస్తుతం టికెట్ధర రూ.20 ఉండగా దీనిని రూ. 50 చేశారు. పెరిగిన ధరలు శనివారం నుంచి అందుబాటులోకి వస్తాయని ఈవో గీతారెడ్డి చెప్పారు. టికెట్టు ధరలో 60 శాతం నాయీ బ్రాహ్మణులకు రెమ్యూనరేషన్ కింద చెల్లించనున్నట్లు ఉత్తర్వుల్లో పేర్కొన్నారు.
