దగ్గుబాటి(Daggubati) వారింట పెళ్లి సందడి మొదలు కానుంది. ప్రముఖ నిర్మాత దగ్గుబాటి సురేష్(Daggubati Suresh) రెండో కొడుకు దగ్గుబాటి అభిరామ్(Daggubati Abhiram) కు పెళ్లి చేయాలని నిర్ణయించుకున్నారట పెద్దలు. కారంచేడుకు చెందిన తన చినతాత కూతురు కూతురునే పెళ్లాడనున్నాడట అభిరామ్. ఈ విషయంపై ఇప్పటికే ఇరు కుటుంబాల మధ్య చర్చలు కూడా జరిగాయట.
ఇక త్వరలోనే నిశ్చితార్థం జరిపించి.. ఆ వెంటనే పెళ్లి కూడా జరిపించాలని చూస్తున్నారట పెద్దలు. దీంతో అభిరామ్ కు దగ్గుబాటి అభిమానులు శుభాకాంక్షలు తెలుపుతున్నారు. ఈ విషయంపై త్వరలోనే అధికారిక ప్రకటన రానుంది
ఇక అభిరామ్ విషయానికి వస్తే.. రీసెంట్ గా ఆయన హీరోగా వచ్చిన అహింస సినిమా ప్రేక్షకుల ముందుకు వచ్చింది. ఈ అభిరాంకు మొదటి సినిమా కావడం విశేషం. దర్శకుడు తేజ తెరకెక్కించిన ఈ సినిమా ఆడియన్స్ ను అంతగా ఆకట్టుకోలేకపోయింది. దీంతో మొదటి సినిమాతోనే పరాజయాన్ని తన ఖాతాలో వేసుకున్నాడు అభిరామ్. ప్రస్తుతం తన రెండో సినిమాను సెట్ చేసుకునే పనిలో ఉన్నాడు ఈ యంగ్ హీరో.
