చెన్నూరు, వెలుగు: ఓ యువతితో అసభ్యంగా ప్రవర్తించిన యువకులను బాధితురాలి కుటుంబభ్యులు చితకబాదారు. కోటపల్లి మండలం బబ్బర్ చెల్కా కు చెందిన యువతి ఆదివారం తన కుటుంబసభ్యులతో కలిసి షాపింగ్ చేసేందుకు చెన్నూరు పట్టణానికి వచ్చింది.
కొత్త బస్టాండ్ఆవరణలో లింగన్నపేటకు చెందిన ఆటోడ్రైవర్రఘు, అతని నలుగురు స్నేహితులు ఆమె డ్రెస్ పై కామెంట్స్ చేస్తూ అసభ్యంగా ప్రవర్తించారు. బాధితురాలు కుటుంబ సభ్యులు విషయం చెప్పడంతో వారు కోపంతో ఆ యువకులను చితకబాది, ఆటోను ధ్వంసం చేశారు.
ఇరువర్గాలవారు పోలీసులకు ఫిర్యాదు చేశారు. యువతితో అసభ్యంగా ప్రవర్తించినందుకు రఘు, శేఖర్, అంజన్న, శ్రీకాంత్, రఘుపై, చట్టాన్ని చేతుల్లోకి తీసుకొని దాడి చేసినందుకు యువతి కుటుంబసభ్యులపై కేసు నమోదు చేసినట్లు పోలీసులు పేర్కొన్నారు.
