- దూషిస్తున్న అధ్యాపకురాలిపై చర్యలు తీసుకోవాలని డిమాండ్
ఇంద్రవెల్లి, (ఉట్నూర్) వెలుగు: ఓ అధ్యాపకురాలు తమను అసభ్య పదజాలంతో దూషిస్తోందని, వెంటనే ఆమెపై చర్యలు తీసుకోవాలని విద్యార్థులు డిమాండ్ చేశారు. శుక్రవారం ఆదిలాబాద్ జిల్లా ఉట్నూర్ మండల కేంద్రంలోని గిరిజన డిగ్రీ కాలేజీ విద్యార్థులు మండుటెండలో కాలేజీ ఎదుట బైఠాయించారు.
ఓ అధ్యాపకురాలు హాస్టల్లో ఉంటూ నిత్యం తమను అసభ్య పదజాలంతో దూషిస్తోందని ఆవేదన వ్యక్తం చేశారు. ఆమె పట్ల చర్యలు తీసుకోవాలని డిమాండ్ చేశారు. విషయం తెలుసుకున్న పోలీసులు, ఐటీడీఏ కార్యాలయ సిబ్బంది ధర్నా వద్దకు చేరుకొని విద్యార్థులతో మాట్లాడి సముదాయించి ధర్నాను విరమింపజేశారు.
