ప్రేమించాను అని వెంటపడ్డాడు.. పెళ్లి చేసుకుంటానని నమ్మించాడు. ఐదేళ్లు కలిసి తిరిగారు. ఇప్పుడు మరో యువతితో పెళ్లికి సిద్దం అయ్యాడు. కరీంనగర్ జిల్లాల్లో ప్రేమించి పెళ్లి చేసుకుంటానని నమ్మించి మోసం చేసిన యువకుడి ఇంటి ఎదుట ఆత్మహత్యా యత్నం చేసింది ఓ యువతి. వివరాల్లోకి వెళితే..
హుజూరాబాద్ పట్టంలోని ఇందిరా మార్గ్ లో నివాసం ఉంటున్న ప్రియుడి ఇంటి ముందు ఆత్మహత్యాయత్నం చేసింది ప్రియురాలు. గత ఐదేళ్లుగా ప్రేమించుకుంటున్నాం.. పెళ్లి చేసుకుంటానని చెప్పాడు..ఇప్పుడు వేరే యువతితో పెళ్లికి సిద్దమయ్యాడని ఆందోళన చెంది బాత్రూం లు కడిగే ఆర్పిక్ తాగి ఆత్మహత్యాయత్నం చేసింది యువతి. తీవ్ర అస్వస్థతకు గురైన యువతిని హుజూరాబాద్ ఏరియా ఆస్పత్రికి తరలించారు పోలీసులు.
