భోపాల్: మధ్యప్రదేశ్ ఎన్నికల ఫలితాలపై ఆ రాష్ట్ర మాజీ సీఎం, కాంగ్రెస్ నేత కమల్ నాథ్ ఆశ్చర్యం వ్యక్తం చేశారు. కొందరు మాజీ ఎమ్మెల్యేలకు వారి వారి సొంతూళ్లలో 50 ఓట్లు కూడా రాలేదన్నారు. మంగళవారం ఆయన భోపాల్లో ఎన్నికల ఫలితాలపై అభ్యర్థులతో సమావేశం నిర్వహించారు.
మీటింగ్కు ముందు కమల్నాథ్ మీడియాతో మాట్లాడుతూ.." ప్రజలు ఎవరివైపు ఉన్నారో ప్రతి ఒక్కరికీ తెలుసు. అయినా, సొంతూళ్ల లో తమకు 50 ఓట్లు కూడా రాలేదని మా పార్టీకి చెందిన కొందరు ఎమ్మెల్యేలు చెబుతున్నారు. ఇదెలా సాధ్యం? " అని కమల్నాథ్ ప్రశ్నించారు. ఈవీఎం హ్యాకింగ్‌ జరిగినట్లు కొందరు కాంగ్రెస్ నేతలు ఆరోపిస్తున్నారని విలేకరులు ప్రశ్నించగా.. చర్చలు జరపకుండా ఒక నిర్ధారణకు రావడం సరికాదని ఆయన పేర్కొన్నారు.
