సంగీత దర్శకుడు దేవిశ్రీ ప్రసాద్ హీరోగా పరిచయం అవుతున్న చిత్రం ‘ఎల్లమ్మ’. ‘బలగం’ ఫేమ్ వేణు యల్దండి దర్శకత్వం వహిస్తున్నాడు. దిల్ రాజు సమర్పణలో శిరీష్ నిర్మిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతోంది. తాజాగా ఈ సినిమా టైటిల్ సాంగ్‌‌‌‌ను దేశవ్యాప్తంగా వివిధ ప్రాంతాలకు చెందిన 100 మంది సంప్రదాయ జానపద రిథమ్ ప్లేయర్లతో రికార్డ్ చేస్తున్నారు.
దేవిశ్రీ ప్రసాద్ తనదైన సంగీతంతో జానపద కళల వైభవాన్ని చాటేందుకు సిద్ధమవుతున్నాడు. త్వరలోనే ఈ పాటను విడుదల చేయనున్నారు. ఇందులో ‘పర్షి’ అనే పాత్రలో దేవిశ్రీ కనిపించనున్నాడు. మార్చి 5న తెలుగు, తమిళ, కన్నడ, మలయాళ, హిందీ భాషల్లో ఈ సినిమాను విడుదల చేసేందుకు సన్నాహాలు చేస్తున్నారు.
