కంటెంట్ నచ్చితే ఏ భాషలో ఉన్నా చూడటానికి ఇంట్రెస్ట్ చూపిస్తారు సినిమా లవర్స్. నటీనటులు తెలియకపోయినా క్యారెక్టర్స్తో కనెక్ట్ అవుతారు. అలా ఆడియెన్స్కు దగ్గరైన కొందరు నటులకు ఇతర భాషల్లోనూ క్రేజ్ ఉంటుంది కాబట్టి అవకాశాలు రావడం కూడా కామన్. అలాంటి క్రేజ్ తెచ్చుకుని వచ్చిన అవకాశాన్ని చేజిక్కించుకుంది ఈ అమ్మాయి. ఇండస్ట్రీకి వచ్చిన మూడేండ్లలోనే మూడు భాషల్లో డెబ్యూగా చేయడమేగాక, అన్నింట్లోనూ తనదైన నటనతో మెస్మరైజ్ చేసింది. తను ఎవరంటే.. మాళవిక మనోజ్ (Malavika Manoj).
ఈ ఏడాది రిలీజ్ అయిన ‘‘ఓ భామ.. అయ్యో రామ..” సినిమాలో నటించిన మాళవిక, మలయాళంతో మొదలుపెట్టి తమిళంలో ‘జో’ సినిమాతో పాపులర్ అయింది. ఆ సినిమా చూసిన డైరెక్టర్ తెలుగులో నటించమని అడగ్గా.. కథ నచ్చడంతో వెంటనే ఒప్పేసుకుంది. సుహాస్కు జోడీగా కనిపించిన మాళవిక తెలుగు ప్రేక్షకులను ఆకట్టుకుంది.
ప్రస్తుతం ‘‘ఆన్ పావమ్ పొల్లతాతు”అనే తమిళ సినిమాలో మరోసారి ‘జో’ ఫేమ్ రియో రాజ్తో కలిసి నటించింది. వీళ్లిద్దరి కాంబినేషన్ రిపీట్ అవుతుండడంతో ఆడియెన్స్ కూడా ఎగ్జయిట్ అయ్యారు. ప్రస్తుతం ఈ సినిమా ఓటీటీలో ట్రెండింగ్లో ఉంది.
ఈ సందర్భంగా మాళవిక మనోజ్ జర్నీ విశేషాలు ఆమె మాటల్లోనే.. ‘జో’ సినిమా తర్వాత నుంచి నేను ఎక్కడ కనిపించినా నన్ను ‘సుచి’ అని అందులో నా పాత్ర పేరుతో పిలుస్తున్నారు. ‘జో’ ఓటీటీలో రిలీజ్ అయినా సోషల్ మీడియా వల్ల చాలామంది ఆడియెన్స్కు రీచ్ అయింది. ఒక సినిమా హిట్ అయింది అంటే దానికి సంబంధించిన కంటెంట్, సాంగ్స్తో సోషల్ మీడియాలో రీల్స్, మీమ్స్ వైరల్ అవుతుంటాయి. నిజం చెప్పాలంటే ఈ రోజుల్లో చాలామందిఆ రీల్స్ చూశాకే సినిమాలకు వస్తున్నారు. ఏదయితేనేం.. ‘జో’ నాకు మంచి పేరు తెచ్చిపెట్టింది.
యాక్టింగ్ విషయానికొస్తే..
సినిమా అనేది టీం వర్క్ అందులో నేను యాక్టర్గా ఎలా చేస్తున్నాను అనేది నాకు ఇంపార్టెంట్. కాబట్టి నా యాక్టింగ్ విషయానికొస్తే నాకు ఏం చెప్పారో అది నేను చేయాలి. ముందుగా ప్రిపేర్ అయ్యేవి ఏం ఉండవు. ‘జో’ సినిమాలో నటిస్తున్నప్పుడు చాలా షార్ట్స్లో నేను, రియో ఉంటాం. మా ఇద్దర్నీ మాట్లాడుకోమనేవాళ్లు. దాన్ని వాళ్లు క్యాప్చర్ చేస్తాం అని చెప్పారు. ఎక్కువ ప్లానింగ్ లేకుండా సాగింది. నాకు అది బాగా నచ్చింది.
►ALSO READ | Sasirekha Lyrical: ‘శశిరేఖ’ ఫుల్ సాంగ్ వచ్చేసింది.. మీసాల పిల్లను మించేలా చిరు, నయన్ మెలోడీ
మనం ఎవరితో కలిసి నటిస్తున్నామో వాళ్లతో కంఫర్టబుల్గా ఉండాలి. అంటే టీం అంతా అలాగే ఒకరితో ఒకరు కలుపుగోలుగా ఉండాలి. ఒకవేళ స్క్రిప్ట్ బాలేకపోతే అవుట్పుట్ కూడా సరిగా రాదు. కానీ, టీం సరిగా లేకపోతే మనం ఒత్తిడికి గురవుతాం. వర్క్ చేయడానికి ఇంట్రెస్ట్ రాదు.
నా మొదటి సినిమా..
నిజానికి నేను నటినవుతానని అనుకోలేదు. మా అమ్మ వల్ల యాక్టింగ్లోకి వచ్చా. ‘ప్రకాశన్ పారక్కట్టె’ సినిమాలో నటించేందుకు మా అమ్మ నా అప్లికేషన్ పంపింది. నా ఫొటో కూడా పంపినట్లు నాకు అస్సలు తెలియదు. నేను సెలక్ట్ అయ్యానని, నన్ను రియల్గా చూడడానికి వాళ్లు మా దగ్గరకు వచ్చినప్పుడే నాకు తెలిసింది. అప్పటికీ నేను టెన్త్ క్లాస్ స్టూడెంట్ని. ప్రతిరోజు షూటింగ్కి వెళ్లేటప్పుడు ఫ్రెండ్స్తో కలిసి జాలీగా స్పెండ్ చేయడానికి వెళ్తున్నట్టు ఫీలయ్యేదాన్ని. వాళ్లు చెప్పినట్టు చేసి తిరిగి వచ్చేదాన్ని.
తెలుగులో..
‘జో’ సినిమా చేసేటప్పుడు టీం అంతా ఒక ఫ్యామిలీలా కలిసి వర్క్ చేశాం. ఆ తర్వాత మేం ఎప్పుడు కలిసినా అలాగే ఫీలయ్యేవాళ్లం. ఆ సినిమా ద్వారా నాకు చాలామంది అన్నదమ్ములు దొరికారు. ప్రతి ఒక్కరూ నన్ను చాలా బాగా చూసుకునేవారు. నేను టీంలో ఒక మెంబర్ని అయినా నన్ను స్పెషల్ కేరింగ్తో చూసుకోవడం నా అదృష్టంగా అనిపించింది.
కానీ, తెలుగు సినిమాలో నటించడానికి ఇండస్ట్రీకి వచ్చినప్పుడు కొత్త వాతావరణం కావడంతో మొదట్లో కాస్త భయపడ్డా. దాంతోపాటు భాష రాదు. కనీసం అవతలి వాళ్లు మాట్లాడేది అర్థం కూడా కాదు. వర్క్ స్టార్ట్ అయిన తర్వాత నా భయం పోయింది. టీం అంతా నన్ను బాగా పలకరించేవాళ్లు. సెట్లో ఉన్న వాళ్లు నన్ను వాళ్ల కూతురిలా చూసుకున్నారు.
