- కలెక్టర్ రాజర్షి షా
ఆదిలాబాద్ టౌన్, వెలుగు: జిల్లాలో ఇటీవల కురిసిన భారీ వర్షాల కారణంగా దెబ్బతిన్న రహదారులు, చెరువుల పరిసర ప్రాంతాలకు వెంటనే రిపేర్లు చేయాలని సంబంధిత అధికారులను ఆదిలాబాద్కలెక్టర్ రాజర్షి షా ఆదేశించారు. మంగళవారం కలెక్టర్ క్యాంపు కార్యాలయంలో మున్సిపాలిటీ, నీటిపారుదల శాఖల అధికారులతో రివ్యూ నిర్వహించారు.
వరదల ప్రభావంతో ప్రజలు ఎదుర్కొంటున్న సమస్యలకు తాత్కాలిక, శాశ్వత పరిష్కార మార్గాలపై చర్చించారు. స్థానిక మావల చిన్న చెరువు, ఖానాపూర్చెరువులో భారీ వర్షాలతో ఏర్పడిన సమస్యలను పరిష్కరించాలని సూచించారు. వెంటనే చేపట్టాల్సిన పనులకు సంబంధించిన ప్రతిపాదనలు సిద్ధం చేయాలని ఆదేశించారు. మున్సిపల్ కమిషనర్ సీవీఎన్ రాజు, నీటి పారుదలశాఖ అధికారులు విఠల్ తదితరులు పాల్గొన్నారు.
