విటమిన్ 'డి' మన శరీర పనితీరు పెంచడానికి అనేక విధాలుగా సాయపడుతుంది. మనం తినే ఆహారం నుండి కాల్షియం గ్రహించడానికి సాయపడుతుంది. కాల్షియం మనశరీరంలో ఎముకలు,కండరాలు,దంతాలు,గోర్లు కూడా బలంగా తయారయ్యేలా చేస్తుంది. రోగనిరోధక శక్తిని కాపాడుకోవడంలో విటమిన్ 'డి' పెద్ద పాత్ర పోషిస్తుంది. ఇమ్యూనిటీ పెరగడానికి ఎంతో సహాయపడుతుంది. విటమిన్ 'డి' అనేది కేవలం ఎండలోనే కాకుండా కొన్ని రకాల ఆహార పదార్ధాల్లో కూడా పుష్కలంగా లభిస్తుంది. ఏ ఆహార పదార్ధాల్లో పుష్కలంగా లభిస్తుందో చూద్దాం...
1. పుట్టగొడుగులు
పుట్టగొడుగులు సూర్యకాంతిలో పెరుగుతాయి కాబట్టి, వాటిలో విటమిన్ డి పుష్కలంగా ఉంటుంది. అదనంగా, పుట్టగొడుగులలో B- విటమిన్లు B1, B2, B5 మరియు రాగి వంటి ఖనిజాలు పుష్కలంగా ఉన్నాయి. కానీ అన్ని పుట్టగొడుగులలో ఒకే మొత్తంలో విటమిన్ డి ఉండదని కూడా గుర్తుంచుకోవాలి. ఎండిన పుట్టగొడుగులను ఎంచుకోవడం ఎల్లప్పుడూ మంచిది. సాధారణంగా అడవిలో దొరికే పుట్టగొడుగులో అత్యధిక విటమిన్ డి ఉంటుంది. మాసం హారం తినని వారు పుట్టగొడుగు తప్పకుండా తీసుకోవాలి
2. సాల్మన్
సాల్మన్ వంటి చేపలలో లభించే ఒమెగా 3 ఫ్యాటీ ఆమ్లాలు ప్రాణాంతకమైన గుండె సమస్యల ప్రమాదాన్ని తగ్గించడంలో కీలకంగా వ్యవహరిస్తాయి.ఈ చేపల్లో ప్రొటీన్లో, విటమిన్ డి, విటమిన్ బి6 కూడా అధికంగా లభిస్తాయి. వీటన్నింటిలో సాల్మన్ చేపలు మరీ ఆరోగ్యకరమైనవి. ఇన్ ఫ్లమ్మేషన్ (శరీరంలోని మంట)ను తగ్గిస్తాయి.
3. కాడ్ లివర్ ఆయిల్
కాడ్ లివర్ ఆయిల్... ఇది పోషకాలతో కూడిన చేపనూనె. కాడ్ ఫిష్‌ అనే చేపల లివర్ నుంచి ఈ ఆయిల్‌ను తీస్తారు. అందుకనే దీనికి ఆ పేరు వచ్చింది. ఈ ఆయిల్ సప్లిమెంట్లను డాక్టర్లు రోగులకు సూచిస్తుంటారు. ఈ సప్లిమెంట్లలో ఒమెగా 3 ఫ్యాటీ యాసిడ్లు అధికంగా ఉంటాయి. అలాగే వీటిలో అధిక మొత్తాల్లో విటమిన్ ఎ, డిలు ఉంటాయి. ఒమెగా 3 ఫ్యాటీ యాసిడ్ల వల్ల అనేక లాభాలు కలుగుతాయి. క్షయవ్యాధి చికిత్సలో కీలపాత్ర పోషిస్తుంది. శరీరంలో మంటను తగ్గించడంతో పాటు ఇంకా ఎన్నో ప్రయోజనాలు కలుగుతాయి
4. గుడ్డు సొనలు
గుడ్డు పచ్చసొన మరింత పోషకమైనది. ఇందులో విటమిన్ డితో ముఖ్యమైన పోషకాలు ఉన్నాయి. ఇందులో కాల్షియం, మెగ్నీషియం, ఐరన్ మరియు సెలీనియం కూడా పుష్కలంగా ఉన్నాయి. వాటిలో ఒమేగా -3 కొవ్వులు కూడా ఉంటాయి. తెల్లసొనతో పోలిస్తే గుడ్డు పచ్చసొనలో ఫోలేట్ మరియు విటమిన్లు పుష్కలంగా ఉన్నాయి. ఈ పోషకాలన్నీ సులభంగా పొందాలంటే గుడ్డులోని పచ్చసొన తినవచ్చు. కాని ఒక గుడ్డులో దాదాపు 200 మిల్లీగ్రాముల కొలెస్ట్రాల్ ఉంటుంది, కాబట్టి ప్రతిరోజూ తినకూడదు.
5. సోయా పాలు:
సోయాపాలు ఆరోగ్యానికి ఎంతో మేలు చేస్తాయి.సోయా మిల్క్ను ఎండిన సోయాబీన్‌లను నానబెట్టి, వాటిని నీటితో రుబ్బడం ద్వారా తయారు చేస్తారు. మొక్కల ఆధారిత పాలు. ఇది సాధారణ ఆవు పాలలో అదే మొత్తంలో ప్రోటీన్ కలిగి ఉండగా, ఇది అధిక విటమిన్ డి, విటమిన్ సి ,ఇనుమును కలిగి ఉంటుంది. ఈ పాలల్లో ఒమేగా3, 6 ఫ్యాటీ యాసిడ్లు అత్యంత శక్తి వంతమైన ఫైటో యాంటీ ఆక్సిడెంట్లు రక్తనాళాల ఆరోగ్యాన్ని కాపాడతాయి.
