బిజినెస్ డెస్క్, వెలుగు: మనదేశంలోనే అతిపెద్ద బీమా కంపెనీ లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసీ) మరో కొత్త పాలసీని కస్టమర్ల కోసం అందుబాటులోకి తెచ్చింది. ధన్ రేఖగా ఈ పిలిచే ఈ పాలసీ నాన్–లింక్, నాన్–పార్టిసిపేటింగ్, ఇండివిడ్యువల్ లైఫ్ సేవింగ్స్ పాలసీ. పాలసీహోల్డర్లు దీని ద్వారా చాలా బెనిఫిట్లు పొందవచ్చు. మహిళలకు ప్రత్యేక ప్రీమియం రేట్లు వర్తిస్తాయని, థర్డ్ జెండర్ వాళ్లు కూడా ధన్ రేఖకు అర్హులేనని ఎల్ఐసీ ప్రకటించింది. అన్ని బెనిఫిట్లకూ పూర్తి గ్యారంటీ ఇస్తామని కంపెనీ స్పష్టం చేసింది.
పాలసీ కవరేజీ:
ఈ పాలసీకి కింద కనీసం కవరేజీ మొత్తం రూ.రెండు లక్షలు. మాగ్జిమమ్ కవరేజీకి పరిమితి లేదు. ఎంట్రీ ఏజ్ 90 ఏళ్ల నుంచి 8 ఏళ్లు. అయితే పాలసీ టెర్మ్ను బట్టి వయోపరిమితి మారుతూ ఉంటుంది. పాలసీలో చేరడానికి కనీస గరిష్ట వయసు 35–55 ఏళ్లు. పీఓఎస్పీఎల్ఐ/కామన్ పబ్లిక్ సర్వీస్ సెంటర్లు సహా ఏజెంట్లు/మధ్యవర్తుల ద్వారా ఆఫ్లైన్ మోడ్లో పాలసీ కొనొచ్చు. ఎల్ఐసీ వెబ్సైట్ ద్వారా ఆన్లైన్లో నేరుగా కొనుగోలు చేయడానికి ప్లాన్ అందుబాటులో ఉంటుంది.
తెలుసుకోవాల్సిన 5 విషయాలు:
పాలసీహోల్డర్ ప్రీమియం చెల్లించడం ముగిసిన తరువాత సర్వైవల్ బెనిఫిట్గా కొంతకాలానికి ఒకసారి చొప్పున కొంతమొత్తం చెల్లిస్తారు. బేసిక్ సమ్ ఎష్యూర్డ్లో కొంత మొత్తాన్ని ఇస్తారు. పాలసీ ప్రీమియాన్ని ఒకేసారి కట్టొచ్చు లేదా పదేళ్లకు, 15 ఏళ్లకు, 20 ఏళ్లకు ఒకసారి కట్టవచ్చు. మెచ్యూరిటీ మొత్తాన్ని కూడా వాయిదాల్లో తీసుకోవచ్చు. డెత్ బెనిఫిట్ చెల్లింపులనూ కిస్తీలుగా తీసుకునేందుకు కూడా వీలు ఉంటుంది. పాలసీ ముగిసిన తరువాత యాడిషన్స్ను తప్పకుండా ఇస్తారు. ఇవి ఆరో పాలసీ సంవత్సరం నుంచి అమల్లోకి వస్తాయి
పాలసీ మెచ్యూరిటీ తరువాత పూర్తిస్థాయి సమ్ ఎష్యూర్డ్ మొత్తాన్ని చెల్లిస్తారు. దీని నుంచి మనీ బ్యాక్ మొత్తాన్ని మినహాయించరు. గ్యారంటీ యాడిషన్స్ మొత్తాన్ని కూడా తీసేయరు. పాలసీకాలంలో పాలసీదారుడు మరణిస్తే .. బేసిక్ సమ్ ఎష్యూర్డ్ , గ్యారంటీడ్ యాడిషన్స్ నుంచి 125 శాతం మొత్తాన్ని సింగిల్ ప్రీమియం డెత్ సమ్ ఎష్యూర్డ్గా చెల్లిస్తారు. లిమిటెడ్ పేమెంట్ ప్రీమియం అయితే.. బేసిక్ సమ్ ఎష్యూర్డ్లో 125 శాతం లేదా ఆన్యువలైజ్డ్ ప్రీమియంకు ఏడురెట్లు సమాన మొత్తం.. ఇందులో ఏది ఎక్కువైతే అది అందజేస్తారు. ఈ మొత్తం చెల్లించిన ప్రీమియాలకు 105 శాతం కంటే తక్కువ ఉండేలా చూస్తారు.
డెత్ ఫిన్ఫిట్
ఉదాహరణకు ఒక వ్యక్తి 28 ఏళ్ల వయసులో 20 ఏళ్లకు ఇదే ఏడాదిలో రూ.10లక్షలకు పాలసీ తీసుకుంటే డెత్ బెనిఫిట్గా సమ్ అష్యూర్డ్ బేసిక్ సమ్ (12,50,000)లో 125 శాతం ఇస్తారు. లేదా వార్షిక ప్రీమియం (రూ.721252) కంటే 7 రెట్లు ఎక్కువ ఇస్తారు. అంటే డెత్ బెనిఫిట్ రూ.12,50,000 అవుతుంది.
ఎల్ఐసీ జీవన్ పాలసీల్లో మార్పులు
ఎల్ఐసీ ఆఫ్ ఇండియా తన యాన్యుటీ ప్లాన్ జీవన్ అక్షయ్ 7 (ప్లాన్ 857), జీవన్ శాంతి(ప్లాన్ 858)కు సంబంధించిన యాన్యుటీ రేట్లను సవరించింది. ఇవి మంగళవారం నుంచి అమల్లోకి వస్తాయి. కొత్త యాన్యుటీ రేట్లతో ఈ ప్లాన్ల వెర్షన్లు అందుబాటులో ఉన్నాయి. ఈనెల నుండి అమ్మకానికి వచ్చాయి. కొత్త జీవన్ శాంతి రెండు యాన్యుటీల మొత్తాన్ని ఎల్ఐసీ వెబ్సైట్లోని కాలిక్యులేటర్ ద్వారా లేదా ఎల్ఐసీ యాప్ ద్వారా లెక్కించవచ్చు. జీవన్ అక్షయ్ 7 (ప్లాన్ నం 857) ప్లాన్ను కొత్త డిస్ట్రిబ్యూషన్ ఛానెల్ కామన్ పబ్లిక్ సర్వీస్ సెంటర్ల తోపాటు డిస్ట్రిబ్యూషన్ చానెల్స్ నుంచి కూడా కొనొచ్చు. ప్లాన్లు ఆన్లైన్, ఆఫ్లైన్లో అందుబాటులో ఉన్నాయి.