‘మంజుమ్మల్ బాయ్స్’చిత్రంతో దర్శకుడిగా గుర్తింపును అందుకున్న చిదంబరం తన కొత్త మూవీని అనౌన్స్ చేశాడు. వెంకట్ కె నారాయణ, శైలజా దేశాయి ఫెన్ కలిసి నిర్మిస్తున్నారు. ఫహద్ ఫాజిల్‌‌తో ‘ఆవేశం’సినిమా తీసిన జీతూ మాధవన్ స్ర్కిప్ట్‌‌ను అందించాడు.
ఈ చిత్రానికి ‘బాలన్’ టైటిల్‌‌ను ప్రకటిస్తూ.. ఫస్ట్ లుక్ పోస్టర్‌‌‌‌ను రిలీజ్ చేశారు. ఈ పోస్టర్‌‌‌‌లో ఓ బాలుడు షర్ట్ లేకుండా చేతిలో ఓ కట్టె పుల్లను పట్టుకుని వెనుక నుంచి కనిపిస్తున్నాడు. తాజాగా ఈ సినిమా పూజా కార్యక్రమాలతో మొదలైంది. తొలి షెడ్యూల్ చిత్రీకరణ ప్రారంభించారు. ఈ చిత్రంతో మలయాళ చిత్ర పరిశ్రమలోకి కేవీఎన్ ప్రొడక్షన్స్ అడుగుపెడుతోంది. ఈ చిత్రానికి సంబంధించిన మరిన్ని వివరాలు త్వరలో వెల్లడించనున్నారు.
🎬 Lights, camera... BALAN!
— KVN Productions (@KvnProductions) August 17, 2025
KVN Productions & Thespian Films proudly present #Balan — that's officially gone on floors!
Directed by Chidambaram
Written by Jithu Madhavan pic.twitter.com/pXNRX3S6tg
మంజుమ్మల్ బాయ్స్:
మలయాళంలో 2024 ఫిబ్రవరి 22న విడుదలైన మంజుమ్మల్ బాయ్స్(Manjummel Boys) సుమారు రూ.5 కోట్ల బడ్జెట్‍తో రూపొంది దాదాపు రూ.230 కోట్లకుపైగా వసూళ్లు సాధించి రికార్డ్ స్పృష్టించింది. చిదంబరం దర్శకత్వం వహించిన ఈ చిత్రంలో సౌబిన్ షాహిర్, శ్రీనాథ్ భాసీ, బాలు వర్గీస్, గణపతి ఎస్ పొడువల్, దీపక్ పరంబోల్, అభిరామ్ రాధాకృష్ణన్,అరుణ్ కురియన్ ముఖ్య పాత్రల్లో నటించి మెప్పించారు. ప్రస్తుతం డిస్నీ+ హాట్‍స్టార్ లో స్ట్రీమింగ్ అవుతుంది.
►ALSO READ | నరేష్ అగస్త్య మరో డిఫెరెంట్ ఫిల్మ్.. ఆగస్టు 22న ఇన్‌‌‌‌ప్లూయెన్స్ చేసే మ్యూజికల్ లవ్‌‌‌‌స్టోరీ..
మంజుమ్మల్ బాయ్స్ కథ:
2006లో కేరళకు చెందిన కొందరు స్నేహితుల అంతా కలిసి తమిళనాడు రాష్ట్రం కొడైకెనాల్‍లోని గుణ గుహలకు ట్రిప్ కు వెళతారు. ఆ సమయంలో ఆ గ్యాంగ్‍లోని ఓ యువకుడు అనుకోకుండా ప్రమాదంలో పడతాడు. అతడిని కాపాడే ప్రయత్నంలో ఆ గ్రూప్‍లోని స్నేహితులకు ఎలాంటి సవాళ్లు ఎదురయ్యానేదే మంజుమెల్ బాయ్స్ లో ఆద్యంతం థ్రిల్లింగ్‍గా ఉత్కంఠభరితంగా చూపించారు మేకర్స్.
