ఇల్లెందు, వెలుగు: గిరిజన బాలికను బెదిరించి అత్యాచారం చేసిన ఘటన భద్రాద్రికొత్తగూడెం జిల్లాలో ఆలస్యంగా వెలుగులోకి వచ్చింది. గ్రామస్తుల వివరాల ప్రకారం.. ఇల్లెందు మండలంలోని ఓ గ్రామానికి చెందిన బాలిక(16) ముకుందపురం క్యాంపు సెంటర్లోని ఓ హోటల్లో పనిచేస్తోంది. అదే ఏరియాలో సెలూన్నడుపుతున్న మార్కాపురం జగదీశ్(25) కొన్నిరోజులుగా ఆమెను గమనిస్తున్నాడు. అప్పుడప్పుడు ఆమెతో మాట్లాడేవాడు. కాగా 2 రోజుల క్రితం బాలిక గ్రామ సమీపంలోని జామాయిల్ తోటలో బహిర్బూమికి వెళ్లడం గమనించిన జగదీశ్ వెంబడించాడు. నిర్మానుష ప్రాంతంలోకి వెళ్లగానే ఆమెను బెదిరించి అత్యాచారం చేశాడు. బయటికి వెళ్లిన కూతురు రాకపోవడంతో తల్లిదండ్రులు వెతుకుతుండగా బాలిక ఏడుస్తూ వచ్చింది. జరిగిన విషయాన్ని వారికి వివరించింది. బాధితురాలి తల్లిదండ్రులు పోలీసులను ఆశ్రయించారు. నిందితుడిపై ఫోక్సో చట్టం కింద కేసు ఫైల్అయ్యింది. జగదీశ్ గతంలోనూ ఓ బాలికపై అత్యాచార యత్నం చేసినట్లు గ్రామస్తులు తెలిపారు.
