మహబూబ్నగర్, వెలుగు : లోకల్బాడీ ఎమ్మెల్సీ ఎన్నికల్లో టీఆర్ఎస్ ట్విస్ట్‌ ఇచ్చింది. నామినేషన్లకు కొన్ని గంటల టైం మాత్రమే ఉండగా.. ఉమ్మడి జిల్లాకు చెందిన ఓ క్యాండిడేట్‌‌‌‌ను మార్చి ఆశ్చర్యానికి గురి చేసింది. ఆదివారం రాత్రి వరకు సింగర్ సాయిచంద్ను ఫైనల్ చేసిన హైకమాండ్ సోమవారం రాత్రి నాగర్కర్నూల్ జిల్లా కేంద్రానికి చెందిన సిట్టింగ్ ఎమ్మెల్సీ కూచకుళ్ల దామోదర్రెడ్డికే మళ్లీ బెర్త్‌ కన్ఫాం చేసింది. ఇప్పటికే కసిరెడ్డి నారాయణరెడ్డి పేరు ఓకే అయ్యింది. దీంతో రెండుస్థానాల్లో మళ్లీ సిట్టింగ్‌‌‌‌లకే అవకాశం దక్కింది.
టీఆర్ఎస్ రాజకీయ వ్యూహం
నిన్నటి వరకు సిట్టింగ్ఎమ్మెల్సీ కూచుకుళ్ల పేరును పరిగణలోకి తీసుకోని టీఆర్ఎస్ హైకమాండ్ సడెన్‌‌‌‌గా ఆయన పేరు ఖరారు చేయడం వెనుక రాజకీయ వ్యూహం ఉన్నట్లు చర్చలు జరుగుతున్నాయి. 2018లో కాంగ్రెస్ పార్టీ ఎమ్మెల్సీగా ఉన్న ఆయనను టీఆర్‌‌‌‌‌‌‌‌ఎస్‌‌‌‌లోకి ఆహ్వానించిన సందర్భంలో సీఎం కేసీఆర్, మంత్రి కేటీఆర్ ఎమ్మెల్సీ రెన్యూవల్ విషయంపై హామీ ఇచ్చారు. అయితే, స్థానిక ఎమ్మెల్యే మర్రి జనార్దన్రెడ్డికి ఆయనకు కొంత కాలంగా పొసగడం లేదు. దీంతో ఎమ్మెల్యే ఈసారి కూచకుళ్లకు ఎమ్మెల్సీగా అవకాశం ఇవ్వొద్దని ప్రపోజల్ పెట్టినట్లు తెలిసింది. ఆయనకు అత్యంత సన్నిహితుడైన సాయిచంద్కు ఈ పదవి ఇవ్వాలని సిఫార్సు చేయడంతో హైకమాండ్ కూడా ఒకే చెప్పింది. అయితే, కూచుకుళ్ల పార్టీ ఫిరాయిస్తే టీఆర్ఎస్కు పెద్ద నష్టమే జరుగుతుంది. ఇప్పటికే కాంగ్రెస్లో ఉన్న నాగంకు సెకండ్ క్యాడర్ లీడర్లు ఉన్నారు. కూచకుళ్లకు కూడా ప్రతీ విలేజ్లో ద్వితీయ శ్రేణి నాయకుల బలం ఉంది. మర్రికి మాత్రం నియోజకవర్గంలో ఆ స్థాయిలో సెకండ్ క్యాడర్ లీడర్ల మీద పట్టు లేదు. అయితే, కూచకుళ్ల కాంగ్రెస్తో చేయి కలకపోయినా, బీజేపీలో ఉన్న డీకే అరుణతో పరిచయం ఉండటంతో ఆ పార్టీలోకి వెళ్లే సూచనలు ఉండేవి. అదే జరిగితే, రాజకీయంగా ఎమ్మెల్యే మర్రికి వచ్చే అసెంబ్లీ ఎలక్షన్స్లో ఎదురుదెబ్బ తగిలే అవకాశం ఉంది. మూడు పార్టీల నుంచి మర్రి, నాగం, కూచుకుళ్ల పోటీ పడితే, ఫైట్ నాగం వర్సెస్ కూచుకుళ్లగా మారుతుంది. దీంతో మర్రికి ఎఫెక్ట్ పడుతుందని ఇంటెలిజెన్స్ రిపోర్ట్ ఇవ్వడంతో హైకమాండ్ వెనకడుగు వేసినట్లు తెలిసింది. ఈ నేపథ్యంలోనే మళ్లీ ఛాన్స్ ఇచ్చినట్లు సమాచారం.
సాయిచంద్‌‌కి మొండిచెయ్యి
వనపర్తి జిల్లా అమరచింత గ్రామానికి చెందిన సాయిచంద్కు టీఆర్ఎస్ మళ్లీ మొండిచెయ్యి చూపింది. 2015లో జరిగిన ఎమ్మెల్సీ ఎన్నికల్లో కూడా ఆయన పేరు ప్రస్తావనకు తీసుకొచ్చారు. సీఎం కేసీఆర్ కూడా హామీ ఇచ్చారు. కానీ, లాస్ట్ మూమెంట్లో కసిరెడ్డి నారాయణరెడ్డిని తెరమీదికి తీసుకొచ్చి పదవి కట్టబెట్టారు. ప్రస్తుత ఎమ్మెల్సీ ఎన్నికల్లోనూ సేమ్ సీన్ రిపీట్ చేశారు. కాగా, ఈ విషయంపై సీఎం కేసీఆర్ సాయిచంద్ను బుజ్జగించినట్లు తెలిసింది.
తెరమీదికి సామాజిక సమీకరణలు
టీఆర్ఎస్ హైకమాండ్ ఎమ్మెల్సీగా సాయిచంద్ పేరును ప్రకటించిన కొన్ని గంటల్లోనే కుల సమీకరణలు తెరమీదకు వచ్చాయి. ఈయన మాల సామాజికవర్గానికి చెందిన వ్యక్తి. ఇప్పటికే ఇదే సామాజిక వర్గానికి చెందిన నాగర్కర్నూల్ జిల్లాలోని గౌరారం గ్రామానికి చెందిన గాయకుడు గోరటి వెంకన్న గవర్నర్ కోటాలో ఎమ్మెల్సీగా ఎన్నికయ్యారు. దీంతో మాదిగ సామాజిక వర్గానికి చెందిన కొందరు నాయకులు సాయిచంద్ను వ్యతిరేకించినట్లు తెలిసింది. అంతేకాదు ఒకవేళ కూచుకుళ్ల పార్టీ మారితే స్థానికంగా మర్రి జనార్దన్ రెడ్డికి నష్టం జరిగే అవకాశం ఉంది. ఈ రెండు విషయాలను దృష్టిలో పెట్టుకొని మళ్లీ సిట్టింగ్‌‌‌‌కే అవకాశం ఇచ్చినట్లు సమాచారం.
