టెన్త్ క్లాస్ డేస్ అనేవి ప్రతి ఒక్కరి జీవితంలో మరిచిపోలేని రోజులు. ఆ ఏజ్‌‌లో అందరూ స్కూల్‌‌లో ఉంటే తాను మాత్రం షూటింగ్‌‌ని ఎంజాయ్ చేశానంటోంది అవికాగోర్. పదో తరగతి చదివేటప్పుడే ‘ఉయ్యాల జంపాల’తో హీరోయిన్‌‌గా పరిచయమవడంతో టెన్త్ క్లాస్ తన జీవితంలో ఎంతో స్పెషల్‌ అని చెప్పింది. శ్రీరామ్‌‌తో కలిసి ఆమె నటించిన ‘టెన్త్ క్లాస్ డైరీస్‌’ టీజర్‌ లాంచ్‌‌లో అవికా తన స్కూల్ డేస్ను గుర్తుచేసుకుంది. తన కెరీర్‌‌‌‌లో ఇప్పటివరకూ నటించని డిఫరెంట్‌ క్యారెక్టర్‌‌‌‌ను ఇందులో పోషించానంది అవికా. కెమెరామేన్ ‘గరుడవేగ’ అంజి ఈ మూవీతో దర్శకుడిగా పరిచయమవుతున్నాడు. అచ్యుత రామారావు నిర్మించారు. టీజర్‌ లాంచ్‌‌కు నిర్మాత సి.కళ్యాణ్, కెమెరామేన్ చోటా కె నాయుడు, రైటర్ బివిఎస్‌ రవి ముఖ్య అతిథులుగా హాజరై సినిమా సక్సెస్‌ సాధించాలని విష్ చేశారు. టెన్త్ క్లాస్ మేట్స్ రీ యూనియన్‌ కాన్సెప్ట్‌‌తో, ఆ మెమొరీస్‌‌ను గుర్తుచేసేలా తీసిన ఈ మూవీని మార్చి 4న రిలీజ్‌ చేస్తున్నామన్నారు నిర్మాత. నటీనటులంతా అద్భుతంగా నటించారని ముఖ్యంగా క్లైమాక్స్‌ సీన్స్‌‌లో అవికా గోర్ నటన కన్నీళ్లు పెట్టిస్తుందన్నాడు దర్శకుడు అంజి. ఇంకా ఈ కార్యక్రమంలో కమెడియన్ శ్రీనివాసరెడ్డి, హిమజ, సంగీత దర్శకుడు చిన్నా, ఎడిటర్ ప్రవీణ్‌ పూడి పాల్గొన్నారు.
