నిజామాబాద్, వెలుగు: జిల్లా సరిహద్దులోని కొందరు మిల్లర్లు ఏజెంట్ల ద్వారా సేకరించిన రేషన్బియ్యాన్ని రీసైక్లింగ్చేసి, మహారాష్ట్రలో సన్నబియ్యంగా మార్చి విక్రయిస్తున్నారు. జిల్లాలో ఈ దందా మూడుపువ్వులు ఆరు కాయలుగా సాగుతోంది. నిజామాబాద్, బోధన్పట్టణాలకు చెందిన 11 మిల్లులు ఈ దందాకు కేంద్ర బిందువుగా మారాయి. రూ.కోట్ల ఆదాయం సమకూరుతుండడంతో మిల్లింగ్ను పక్కనబెట్టి, పూర్తి స్థాయిలో ఈ దందాపైనే ఫోకస్పెట్టారు. సివిల్సప్లయ్అధికారులకు ఆమ్యామ్యాలు అందడంతో వారు సైతం చూసీచూడనట్లు వ్యవహరిస్తున్నారనే విమర్శలు వినిపిస్తున్నాయి. ఎవరైనా కంప్లైంట్చేసినప్పుడు తూతూమంత్రంగా తనిఖీలు చేసి చేతులు దులుపుకుంటున్నారు.
అర్ధరాత్రి సరిహద్దులు దాటుతున్న బియ్యం..
జిల్లాకేంద్రం శివారులోని సారంగాపూర్ వైపు ఉన్న రెండు మిల్లులు, గుండారం ప్రాంతానికి చెందిన నాలుగు, బోధన్పట్టణంలోని 5 మిల్లులు రాత్రి 12 గంటల నుంచి తెల్లవారు 4 గంటల సమయంలో బియ్యాన్ని ట్రాన్స్పోర్ట్చేస్తున్నారు. ఈ సమయంలో అయితే రవాణాకు ఎలాంటి ఇబ్బందులు ఉండవని భావించి, గుట్టుచప్పుడు కాకుండా పనికానిచ్చేస్తున్నారు. వ్యాపారుల మధ్య ఈర్ష్యతో ఆఫీసర్లకు కంప్లైట్స్వెళ్లినప్పుడు మాత్రమే రైడ్స్ జరుగుతున్నాయి. ఇటీవల వర్ని మండలంలో ఒక లారీ, వ్యాన్ నిండా ఉన్న 850 బస్తాల (ఒక్కో బస్తా 50 కేజీలు) రేషన్బియ్యాన్ని టాస్క్ఫోర్స్ఆఫీసర్లు పట్టుకున్నారు. బోధన్లోని ఓ రైస్మిల్ కోసం తీసుకెళ్తున్నట్లు నిందితులు చెప్పారు. నెల రోజుల కింద ఓ వాహనంలో తరలిస్తున్న బియ్యాన్ని పట్టుకోగా, ఈ బియ్యం నగర శివారులోని ఓ మిల్లు నుంచి సరఫరా అయినట్లు నిరార్ధణ అయింది. బోధన్అంబేద్కర్కాలనీకి సమీపంలో ఉన్న ఓ రైస్మిల్పై ఇటీవల టాస్క్ఫోర్స్ఆఫీసర్లు రైడ్చేయగా రూ.40 లక్షల విలువైన రీసైక్లింగ్బియ్యం పట్టుబడింది.
అక్కడికే ఎందుకు..?
సన్నబియ్యంగా మార్చిన వాటిని జిల్లాలో మార్కెట్చేయడం ఈజీ కాదు. నిత్యం నిర్వహించే ఈ బిజినెస్లోకల్గా విస్తరిస్తే సమస్యలు వస్తాయని జాగ్రత్తలు తీసుకుంటున్నారు. మహారాష్ట్రలో వరిసాగుకు భూములు అనుకూలంగా ఉండవు. కాబట్టి అక్కడ బియ్యానికి డిమాండ్ఉంటుంది. బియ్యం రాష్ట్రం దాటి వెళ్తున్నందున గోప్యత విషయంలోనూ ఎలాంటి డోకా ఉండదని మిల్లర్ల అభిప్రాయం.
దొడ్డు బియ్యాన్ని సన్నగా మార్చి
జిల్లాలో 4.02 లక్షల రేషన్కార్డులున్నాయి. ప్రతీనెల 8,650 మెట్రిక్టన్నుల బియ్యాన్ని ప్రభుత్వం పంపిణీ చేస్తుంది. ఇందుకోసం 759 రేషన్షాప్లు ఉన్నాయి. రేషన్లో వచ్చే బియ్యాన్ని తినడానికి ఇష్టపడని కొన్ని కుటుంబాలు కిలో రూ.10 చొప్పున మిల్లర్ల ఏజెంట్లకు అమ్ముతారు. మిల్లర్లు, ఏజెంట్లు సేకరించిన బియ్యానికి కిలో రూ.15 చొప్పున చెల్లిస్తారు. ఈ బియ్యాన్ని రైస్మిల్స్కు చేర్చి, దొడ్డు బియ్యాన్ని సన్నగా రీసైక్లింగ్చేస్తున్నారు. బీపీటీ రైస్తరహాలో కలరింగ్ఇచ్చి, ఏదో ఓ కంపెనీ పేరు ముద్రించి 25 కిలోల బస్తాలను మహారాష్ట్రలో సేల్చేస్తున్నారు. ఏజెంట్నుంచి రూ.15 కిలో చొప్పున కొంటున్న మిల్లర్లు రీసైక్లింగ్,తర్వాత కిలో రూ.40 కి అమ్ముకుంటున్నారు. లాభం ఎక్కువగా ఉన్నందున మిల్లర్లు కేవలం ఈ దందాకు ఫిక్స్అయిపోయారు. ప్రతీ రెండు రోజులకు ఒక లోడు బియ్యం బస్తాల లారీ రుద్రూర్, రాంపూర్, సులేమాన్ఫారం మీదుగా మహారాష్ట్ర వెళ్తుంది.
