ప్రపంచాన్ని వణికిస్తున్న వైరస్ కరోనా. చైనాలో ఇప్పటికే ఎంతో మందిని బలితీసుకుంది. దీంతో భారత్ ముందస్తు జాగ్రత్త చర్యలు చేపట్టింది. చైనాకు విమాన సర్వీసులు నిలిపివేయనుంది. రేపటి(శుక్రవారం) నుంచి ఫిబ్రవరి 14 వరకూ ఢిల్లీ-షాంఘై విమానసర్వీసులను నిలిపివేస్తున్నట్లు ఎయిర్ ఇండియా ప్రకటించింది. బెంగళూరు హాంకాంగ్, ఢిల్లీ- చెంగ్డూ మార్గాలలో కూడా విమాన సర్వీసులను రేపటి నుంచి నిలిపివేస్తున్నట్లు ఆయా విమాన సంస్థలు ప్రకటించాయి.
