హిమాచల్ ప్రదేశ్ లోని ఘోర ప్రమాదం జరిగింది. టూరిస్టులతో వెళ్తున్న ప్రైవేట్ బస్సుపై కొండచరియలు విరిగిపడ్డాయి. బండరాళ్లు, బురద పడటంతో బస్సు పూర్తిగా శిథిలాల కింద చిక్కుకుపోయింది.. ఈ ప్రమాదంలో 15 మంది టూరిస్టులు చనిపోయారు. పలువురు గాయపడ్డారు. ప్రమాద సమయంలో బస్సులో 25 నుంచి 30 మంది ప్రయాణికులు ఉన్నట్లు తెలుస్తోంది. మృతుల సంఖ్య పెరిగే అవకాశం ఉందని అధికారులు చెబుతున్నారు. మంగళవారం (అక్టోబర్ 7) రాత్రి హిమాచల్ ప్రదేశ్ లోని బిలాస్ పూర్ దగ్గర ఈ ప్రమాదం జరిగింది.
బిలాస్ పూర్ జిల్లాలోని ఝండుట సబ్ డివిజన్ లోని బల్లు వంతెన సమీపంలో కొండచరియలు విరిగిపడి టూరిస్టు బస్సుపై పడ్డాయి. ఈ ప్రమాదంలో బస్సు పూర్తిగా బండరాళ్లు, బురద శిధిలాల కింద చిక్కుకుపోయింది.
హిమాచల్ పోలీసులు, SDRF,ఇతర సంస్థలు సంఘటన స్థలంలో సహాయక చర్యలు కొనసాగిస్తున్నాయి. మంగళవారం సాయంత్రం 6:40 గంటల ప్రాంతంలో ఈ ప్రమాదం జరిగింది. ఈ ప్రమాందలో ఓ చిన్నారి సురిక్షితంగా బయటపడింది.
