సింగరేణి ఉద్యోగులకు ఎలక్షన్ డ్యూటీలు

• మూడు విడతల పంచాయతీ ఎన్నికల్లో 1500 మంది కేటాయింపు
• ఆన్​డ్యూటీగా ప్రకటించాలని ఐఎన్టీయూసీ నేతల డిమాండ్​

కోల్​బెల్ట్​,వెలుగు: పంచాయతీ ఎన్నికల్లో సింగరేణి ఉద్యోగులు దాదాపు 1,500 మంది  ఈనెల 11,14,17 తేదీల్లో మూడు విడతల్లో పోలింగ్, కౌంటింగ్​డ్యూటీలు చేయనున్నారు. ఈ మేరకు ఆయా జిల్లాల కలెక్టర్లు ఆదేశాలు జారీ చేశారు. మంచిర్యాల, ఆసిఫాబాద్​ జిల్లాల్లోని శ్రీరాంపూర్, మందమర్రి, బెల్లంపల్లి ఏరియాల ఉద్యోగులతో పాటు సెక్యూరిటీ సిబ్బందిని కూడా కేటాయించారు. ఈ ఎన్నికల్లో సింగరేణి ఉద్యోగులు ఓటు హక్కు వేసేందుకు యాజమాన్యం రెండు గంటల పాటు పర్మిషన్ ఇచ్చింది. 

 సింగరేణి విస్తరించిన ఆరు జిల్లాల పరిధిలో ఫస్ట్, జనరల్​షిప్టుల్లో పనిచేసే ఉద్యోగులకు షిప్ట్​ ప్రారంభంలో రెండు గంటలు, ఫ్రీ షిప్టులో పనిచేసే వారికి ఉదయం 11 గంటల నుంచి పర్మిషన్​ ఇవ్వనున్నట్లు సింగరేణి పేర్కొంది. కాగా.. డ్యూటీలు పడిన సింగరేణి ఉద్యోగులకు ఆన్​డ్యూటీ సౌకర్యం కల్పించాలని ఐఎన్టీయూసీ లీడర్లు కోరారు. మంగళవారం ఐఎన్టీయూసీ ఏరియా వైస్​ప్రెసిడెంట్ దేవి భూమయ్య, కేంద్ర కమిటీ చీఫ్ ఆర్గనైజింగ్​సెక్రటరీ రాంశెట్టి నరేందర్,​మందమర్రి జీఎం ఎన్​.రాధాకృష్ణను కలిసి వినతిపత్రం ఇచ్చారు. ఎన్నికల డ్యూటీ చేసే ఉద్యోగులకు స్పెషల్ ఎలక్షన్ లీవ్ ఇస్తే ఆర్థికంగా నష్టపోతున్నారని, ఆన్ డ్యూటీ కల్పిస్తే అలవెన్సులతో పాటు ప్లేడే కూడా  లభిస్తుందన్నారు.