పాక్​ జైలు నుంచి 200 మంది జాలర్లు విడుదల

పాక్​ జైలు నుంచి 200 మంది జాలర్లు విడుదల


వడోదర: తమ​అదుపులో ఉన్న 200 మంది భారతీయ జాలర్లను పాకిస్తాన్ విడుదల చేసింది. వీరంతా పంజాబ్​ నుంచి ప్రత్యేక రైలులో గుజరాత్​కు చేరుకున్నట్లు అధికారులు తెలిపారు. సోమవారం ఉదయం వడోదరకు చేరుకున్న వీరికి అధికారులు, కుటుంబ సభ్యులు స్వాగతం పలికారు. కాగా, పాక్​తీర ప్రాంత దళాలు భారత జాలర్లను 2019 నుంచి 2022 మధ్య అదుపులోకి తీసుకున్నాయి. అంతర్జాతీయ సరిహద్దుదాటి పాక్​ జలాల్లోకి ప్రవేశించారని వీరిని అరెస్టు చేశారు. ఈ క్రమంలో గతవారం 200మంది జాలర్లను పాకిస్తాన్​ విడుదల చేసింది. వీరిని  అమృత్​సర్​లోని వాఘా సరిహద్దు వద్ద బీఎస్ఎఫ్​ అధికారులకు అప్పగించింది. జాలర్లను వారి స్థానిక ప్రాంతాలకు పంపేందుకు ప్రభుత్వం ఏర్పాట్లు చేసిందని అధికారులు తెలిపారు.