న్యూ ఇయర్ పురస్కరించుకొని 2020 ఏడాదికిగాను దాదా సాహెబ్‌ ఫాల్కే సౌత్ అవార్డుల జాబితాను ప్రకటించారు. సౌత్‌లోని నాలుగు …తెలుగు, తమిళ, కన్నడ, మలయాళ సినీ పరిశ్రమ రంగాలు అవార్డులు అందుకున్నాయి. ఈ క్రమంలో టాలీవుడ్‌కు సంబంధించిన ఆరు కెటగిరిల్లో అవార్డులు వరించాయి. యువ నటుడు నవీన్ పోలిశెట్టి సౌత్ కేటగిరీలో బెస్ట్ యాక్ట‌ర్ అవార్డును దక్కించుకున్నాడు. ఏజెంట్ సాయి శ్రీనివాస ఆత్రేయ మూవీకిగాను న‌వీన్‌కు ఈ అవార్డు ద‌క్కింది. ఇక బాక్సాఫీస్ దగ్గర మంచి విజయాన్ని సాధించిన నాని ‘జెర్సీ’ సౌత్ కేటగిరీలో బెస్ట్ మూవీగా ఎంపికైంది.
ఉత్త‌మ న‌టిగా ర‌ష్మిక మందానా ఎంపికైంది. ‘డియ‌ర్ కామ్రేడ్’ సినిమాలో న‌ట‌న‌కుగాను ఆమెకు ఈ అవార్డు దక్కించుకుంది. భారీ బ‌డ్జెట్‌తో ‘సాహో ‘మూవీని తెర‌కెక్కించిన సుజీత్ బెస్ట్ డైరెక్టర్ అవార్డు సొంతం చేసుకున్నాడు. ‘అల వైకుంఠ‌పురములో ‘ వంటి మ్యూజిక‌ల్ హిట్‌తో అభిమానులను అల‌రించిన థ‌మ‌న్‌.. బెస్ట్ మ్యూజిక్ డైరెక్టర్ అవార్డు అందుకోనున్నాడు. ఇక మోస్ట్ వ‌ర్స‌టైల్ యాక్ట‌ర్ అవార్డు అక్కినేని నాగార్జున‌కు ద‌క్కింది.
