వేములవాడ, వెలుగు: కుక్క దాడిలో వేములవాడ రాజన్న ఆలయానికి వచ్చిన భక్తులు గాయపడ్డారు. స్థానిక జాతర గ్రౌండ్, గాంధీనగర్ ఏరియాలో బుధవారం రాత్రి నుంచి గురువారం తెల్లవారుజాము వరకు 21 మందిని గాయపర్చింది. బాధితులకు వేములవాడ ఏరియా ఆస్పత్రిలో చికిత్స అందించారు. నలుగురికే తీవ్ర గాయాలయ్యాయని డాక్టర్ నిక్షిప్త తెలిపారు. మెరుగైన వైద్యం కోసం సిరిసిల్ల ఆస్పత్రికి తరలించినట్లు పేర్కొన్నారు.
కోతుల దాడిలో చిన్నారికి తీవ్ర గాయాలు
అయిజ, వెలుగు: జోగులాంబ గద్వాల జిల్లాలోని అయిజ 3వ వార్డులో ఓ చిన్నారిపై కోతులు దాడి చేశాయి. వివరాల్లోకి వెళ్తే.. కర్నూలు జిల్లా పెద్దపాడుకు చెందిన అనిల్, మేరీ దంపతులు క్రిస్మస్ సందర్భంగా గురువారం తమ కుమార్తె అన్షుతో కలిసి అయిజలోని బంధువుల ఇంటికి వచ్చారు. బయట ఆడుకుంటున్న పాపపై కోతులు దాడి చేయడంతో తీవ్ర గాయాలయ్యాయి. కుటుంబసభ్యులు ఆస్పత్రికి తరలించి ట్రీట్మెంట్ చేయించారు.
