టీఎస్పీఎస్సీ పేపర్ లీక్ ఘటనలో ప్రవీణ్ సహా మరో ఎనిమిది మంది నిందితులపై కేసులు నమోదయ్యాయి. మొత్తం తొమ్మిది మంది నిందితులకు మరో ఆరు రోజుల పోలీస్ కస్టడీ విధించారు. నిందితులను 10 రోజులు కస్టడీకి ఇవ్వాలని సిట్ అధికారులు నాంపల్లి కోర్టులో పిటిషన్ వేశారు. ఈ పిటిషన్ కు స్పందించిన కోర్టు 6 రోజుల కస్టడీకి పర్మిషన్ ఇచ్చింది. నిందితులను రేపటి (మార్చి 18) నుంచి మార్చి 23 వరకు పోలీస్ కస్టడీలో ఉండనున్నారు. రేపు ఉదయం 9:30 నుంచి సిట్ విచారణ జరగనుంది. ఈ క్రమంలో నిందితుల నుంచి మరిన్ని వివరాలు రాబట్టేందుకు పోలీసులు విచారణ చేపట్టనున్నారు.
ఈ వ్యవహారంలో ఇంకెన్ని పేపర్లు లీక్ చేశారన్న దానిపై నిందితులను విచారించే చాన్స్ కనిపిస్తోంది. ఆ తొమ్మిది మంది నిందితులను ప్రస్తుతం చెంచల్ గుడా సెంట్రలో జైల్ కి తరలించారు. అయితే, ఇప్పటికే పేపర్ లీక్ పై సిట్ దర్యాప్తు కొనసాగుతోంది. దీంతో ఈ విచారణతో మరిన్ని నిజాలు బయటపడే ఛాన్స్ ఉంది.
ఈ ఆరు రోజుల కస్టడీలో పేపర్ లీక్ పై ప్రవీణ్ ఎంతమందిని అప్రోచ్ అయ్యాడు, ఇంకెన్ని పేపర్లు లీక్ చేశాడు అన్న దానిపై విచారణ జరగనుంది. ఈ విచారణతో మరికొంత మంది నిందితులు బయటికి వచ్చే అవకాశం ఉంది.
