ఏటూరునాగారం,వెలుగు: అక్రమంగా కారులో తరలిస్తున్న మద్యాన్ని ములుగు జిల్లా ఏటూరునాగారం మండల కేంద్రంలోని ఫారెస్ట్ చెక్పోస్టు వద్ద ఎక్సైజ్ ఆఫీసర్లు శనివారం పట్టుకున్నారు. ఎక్సైజ్ సీఐ రామక్రిష్ణ తెలిపిన వివరాల ప్రకారం.. చెక్ పోస్టు వద్ద వాహనాల తనిఖీ చేస్తుండగా.. అనుమానాస్పదంగా కనిపించిన టాటా ఇండికా కారును తనిఖీ చేశామన్నారు.
దాంట్లో 20 కాటన్ల బీర్లు, 3 కాటన్ల మద్యం ఉన్నట్లు తెలిపారు. కారులో ఉన్న వారిని విచారించగా మండలంలోని మల్యాల గ్రామానికి కొండా మహేందర్, ముక్కెర రవళిగా గుర్తించి ఇద్దరిపై కేసు నమోదు చేశామన్నారు. కాగా రూ. 68700 మద్యం, కారు స్వాధీనం చేసుకున్నట్లు సీఐ తెలిపారు. ఈ తనిఖీల్లో సీఐతో పాటు కానిస్టేబుల్లు సందీప్, తిరుపతి, నవీన్, నాగరాజు, వీరన్న, శ్రీనివాస్, ప్రణవ్ పాల్గొన్నారు.
