హైదరాబాద్, వెలుగు : లోకల్ గేమింగ్ కంపెనీ 7 సీస్ ఎంటర్టైన్మెంట్ లిమిటెడ్ తన కొత్త గేమింగ్ యాప్ గేమర్షార్ట్స్ను లాంఛ్ చేసింది. ఈ తరహా గేమింగ్ యాప్ను తామే తొలిసారిగా మార్కెట్లోకి తెచ్చినట్లు కంపెనీ మేనేజింగ్ డైరెక్టర్ మారుతి శంకర్ లింగమనేని చెప్పారు. న్యూస్, ఎనలిస్ట్ పర్స్పెక్టివ్స్తోపాటు, ఇన్వెస్ట్మెంట్స్, ఇనొవేషన్స్తో కూడిన గేమ్షార్ట్స్ కొత్త తరహా మొబైల్ అప్లికేషన్ అవుతుందని పేర్కొన్నారు. ఈ గేమింగ్ యాప్లో 25 సింపుల్ గేమ్స్ ఉంటాయని, గుగుల్ ప్లే స్టోర్లో ఇప్పటికే యాప్ అందుబాటులో ఉందని వెల్లడించారు. గ్లోబల్గా గేమింగ్ మార్కెట్ 340 బిలియన్ డాలర్లవైపు దూసుకెళ్తున్న నేపథ్యంలో ఈ కొత్త గేమింగ్ యాప్తో తాము కూడా ముందడుగు కోసం ఫోకస్ పెడుతున్నట్లు మారుతి శంకర్ చెప్పారు. 2022–27 మధ్య కాలంలో గేమింగ్ ఇండస్ట్రీ ఈ గ్రోత్ సాధిస్తుందని ఎనలిస్టు రిపోర్టులు చెబుతున్నాయని పేర్కొన్నారు.
25 సింపుల్ గేమ్స్..
రేసింగ్, పజిల్స్, ఆర్కేడ్ స్పోర్ట్స్ ...ఇలా ఎవరికి ఇష్టమైనవి వారు ఆడుకునేలా 25 సింపుల్ గేమ్స్ గేమర్షార్ట్స్లో భాగమని మారుతి శంకర్ చెప్పారు. క్విక్గా, కాజువల్గా ఆడుకునే ఈ గేమ్స్ను యూజర్లు ఎంజాయ్ చేస్తారని ఆశిస్తున్నట్లు పేర్కొన్నారు. గేమర్షార్ట్స్ను త్వరలో యాపిల్ యూజర్లకూ అందుబాటులోకి తేనున్నట్లు వెల్లడించారు. మొబైల్ గేమ్ డౌన్లోడ్స్లో 80 % కాజువల్ గేమ్స్ ఉంటుండగా, 35% ఇన్–యాప్ కొనుగోళ్లు ఉంటున్నాయి.