- ముగిసిన నామినేషన్లు
- శుక్రవారం నుంచి స్క్రూటీని
- ఓటర్లను చేరుకునే టార్గెట్తో ప్రధాన పార్టీ అభ్యర్థులు
నిజామాబాద్, వెలుగు: పార్లమెంట్ ఎలక్షన్లో కీలకమైన నామినేషన్ల ఘట్టం ముగిసింది. నామినేషన్ ప్రక్రియ షురువైన రోజు నుంచి గురువారం దాకా మొత్తం42 మంది అభ్యర్థుల తరపున 90 నామినేషన్లు రిటర్నింగ్ ఆఫీసర్కు అందాయి. శుక్రవారం వాటిని స్ర్కూటినీ చేసి ఎలిజిబుల్ నామినేషన్లు తేలుస్తారు. ధర్మపురి అర్వింద్తో పాటు మీసాల శ్రీనివాస్ బీజేపీ నుంచి నామినేషన్ దాఖలు చేశారు.
నేషనలిస్ట్ కాంగ్రెస్ పార్టీ తరపున విఠల్ మలావత్, బహుజన లెఫ్ట్ పార్టీ నుంచి అబ్బగోని అశోక్గౌడ్, అన్నా వైఎస్ఆర్ కాంగ్రెస్ నుంచి ఎం.డి.మన్సూర్, యుగ తులసి పార్టీ నుంచి జి.సాయికృష్ణ మూర్తి, బహుజన ముక్తి పార్టీ నుంచి దేవతి శ్రీనివాస్, రాష్ట్రీయ మానవ్ పార్టీ నుంచి బోగిరి పోశం, ఇండిపెండెంట్గా గంగా చరితారావు, ఎండీ జమీల్, వేముల విక్రంరెడ్డి, కొత్తకొండ శక్తిప్రసాద్, పుప్పాల లింబాద్రి, తూముకూరు జీవన్రెడ్డి, చెంచుల అశోక్, గోపీచంద్రయ్య, రాపెల్లి శ్రీనివాస్, పుప్పాల లింబాద్రి, బీబీనాయక్ నామినేషన్లు అందజేశారు.
మే 13 దాకా కార్యకర్తలు చెమటోడ్చాలె
ఐదు శతాబ్దాలుగా దేశ ప్రజలు ఎదురుచూసిన రామమందిరాన్ని ఆయోధ్యలో నిర్మించిన ప్రధాని మోదీ మూడవసారి ప్రధాని పీఠాన్ని పక్కాగా అధిష్టిస్తారని ఉత్తరాఖండ్ సీఎం పుష్కర్సింగ్ ధామి అన్నారు. రాముడి ఆశీస్సులతో 400 సీట్లకు మించి గెలువబోతున్నామని జోస్యం చెప్పారు. గురువారం ఆయన నిజామాబాద్లో నిర్వహించిన బీజేపీ ఎన్నికల ప్రచార సభలో మాట్లాడారు. ప్రపంచాన్ని వణికించిన కరోనా విపత్కర పరిస్థితిలో అభివృద్ది చెందిన దేశాలు ఆర్థికంగా దెబ్బతిన్నాయని ప్రధాని మోదీ దక్షతతో ఆ ప్రభావం భారత్పై పడలేదన్నారు. పైగా ప్రపంచ దేశాలకు కొవిడ్ వ్యాక్సిన్ అందించి కోట్ల మంది ప్రాణాలు నిలబెట్టారన్నారు. ఎన్నికలు ముగిసే దాకా వచ్చే నెల 13 వరకు కార్యకర్తలు ప్రజల మేలుకోసం చెమటోడ్చాలని కోరారు. పసుపు బోర్డు సాధనలో ఎంపీగా అర్వింద్ పాత్ర ఎప్పటికీ గుర్తుండిపోతుందన్నారు. కాంగ్రెస్, బీఆర్ఎస్ ఒక్కటేనన్నారు.
ఇందూర్ గడ్డపై పసుపు బోర్డు
నిజామాబాద్ గడ్డపై పసుపు బోర్డు ఏర్పాటు చేయించే పూర్తి బాధ్యత తనదేనని బీజేపీ అభ్యర్థి ధర్మపురి అర్వింద్ తెలిపారు. రైతులను కన్ఫూజ్ చేయడానికి కాంగ్రెస్ నాయకులు ఈ విషయంలో ఈకలు లెక్కబెడుతున్నారని నిందించారు. గత ఎన్నికల్లో ఇచ్చిన హామీ ప్రకారం బోర్డు సాధించానన్నారు. జీవన్రెడ్డి గెలిస్తే కేంద్ర అగ్రికల్చర్ మినిస్టర్ను చేసి పసుపు బోర్డు ఏర్పాటు చేయిస్తాననడం గమ్మత్తుగా ఉందని వాణిజ్య శాఖ అధీనంలో బోర్డు ఉంటుందన్నారు.
అసెంబ్లీ స్థానంలో కాంగ్రెస్ నుంచి ఓడిన జీవన్రెడ్డిని నిరుద్యోగుల తరఫున ఎమ్మెల్సీని చేస్తే వారి తరపున ఏ రోజు నోరువిప్పలేదన్నారు. ప్రశ్నాపత్రాలు లీకై నిరుద్యోగ యువత ఆందోళన చెందుతున్న టైంలో వారి పక్షాన నిలబడలేదన్నారు. రాజ్యసభ సభ్యుడు డాక్టర్ లక్ష్మణ్, ఎమ్మెల్యేలు ధన్పాల్ సూర్యనారాయణ, పైడి రాకేష్రెడ్డి, జిల్లా పార్టీ ప్రెసిడెంట్ దినేష్ కులాచారి, అల్జాపూర్ శ్రీనివాస్, మాజీ ఎమ్మెల్యే ఏలేటి అన్నపూర్ణమ్మ, స్రవంతిరెడ్డి తదితరులు ఉన్నారు.
ముస్లిం రిజర్వేషన్లు తొలగిస్తం
ముస్లిం రిజర్వేషన్లు రద్దు చేసి దళిత, గిరిజనుల రిజర్వేషన్ పెంచుతామని సిట్టింగ్ ఎంపీ అర్వింద్ అన్నారు. గురువారం సాయంత్రం పార్టీ ఆఫీస్లో మీడియాతో ఆయన మాట్లాడారు. కేంద్ర హోం మంత్రి అమిత్షా ముస్లిం రిజర్వేషన్ రద్దుపై ఇప్పటికే క్లారిటీ ఇచ్చారన్నారు. సీఎం రేవంత్రెడ్డికి బీజేపీపై ఛార్జ్ షీట్ వేసేంత స్థాయిలేదన్నారు.
ఉత్తరాఖండ్ సీఎంతో కలిసి అర్వింద్ నామినేషన్
నిజామాబాద్ పార్లమెంట్ స్థానంలో బీజేపీ అభ్యర్థిగా ధర్మపురి అర్వింద్ గురువారం నాలుగో సెట్ నామినేషన్ వేశారు. ఉత్తరాఖండ్ సీఎం పుష్కర్సింగ్ ధామి వెంట రాగా, రాజ్యసభ సభ్యుడు డాక్టర్లక్ష్మణ్, అర్బన్, ఆర్మూర్ ఎమ్మెల్యేలు ధన్పాల్ సూర్యనారాయణ, పైడి రాకేశ్రెడ్డితో కలిసి ఆయన రిటర్నింగ్ఆఫీసర్రాజీవ్గాంధీ హన్మంతుకు అందజేశారు.
