న్యూఢిల్లీ: హిప్పో పొటామస్ ఓ రెండేండ్ల బాలుడిని అమాంతం మింగేసింది. అది చూసి ఇంటోళ్లు అరుస్తూ, రాళ్లు విసరడం తో బాబును ఉమ్మేసింది. ఉగాండాలో జరిగిన ఈ సంఘటనలో బాలుడు ప్రాణాలతో బయటపడ్డాడు. కట్వే కబటోరో టౌన్కు చెందిన రెండేండ్ల ఇగా పౌల్, డిసెంబర్ 4న చెరువు పక్కన ఆడుకుంటు న్నాడు. అప్పుడే ఒక హిప్పో పొటామస్ వచ్చి.. పౌల్ను మింగేసింది. తల, రెండు చేతులు హిప్పో నోట్లోకి వెళ్లిపోయాయి. సగం శరీరం బయట కనిపిస్తున్నది. ఇది చూసిన ఇంటోళ్లు గట్టిగా కేకలు వేస్తూ హిప్పోపై రాళ్లు, కట్టెలు విసిరారు. చివరికి పౌల్ను ఉమ్మేసి హిప్పో వెళ్లిపోయింది. వెంటనే అతన్ని హాస్పిటల్కు తీసుకెళ్లగా బాబుకేం పర్వాలేదని డాక్టర్లు చెప్పారు.
