మరికల్, వెలుగు : నారాయణపేట జిల్లా మరికల్ మండలంలోని పూసల్పహడ్ అనుబంధ గ్రామం సంజీవకొండ వద్ద చిరుతపులి దాడిచేసి ఓ లేగదూడను చంపేసింది. రైతు పాలెం రఘు తన పొలం వద్ద లేగదూడను కట్టేయగా బుధవారం అర్ధరాత్రి చిరుతపులి దాడి చేయడంతో అక్కడికక్కడే మృతి చెందింది.
గురువారం పశువుల పాక వద్దకు వెళ్లిన రఘు భయాందోళనకు గురై ఈ విషయాన్ని గ్రామస్థులకు తెలిపాడు. అటవీ శాఖ అధికారులు వెంటనే స్పందించి చిరుతపులి నుంచి తమను కాపాడాలని గ్రామస్థులు కోరుతున్నారు.
