బెల్లంపల్లి, వెలుగు: గతంలో బెల్లంపల్లి టూ టౌన్ ఎస్ఐగా పని చేసిన ఎ.రవికుమార్ ఇప్పుడు బెల్లంపల్లి ఏసీపీగా వచ్చారు. ఇక్కడ ఏసీపీగా పనిచేసిన పంతాటి సదయ్య బదిలీపై వెళ్లగా ఆయన స్థానంలో సిరిసిల్ల జిల్లాలో ఎస్ బీ డీఎస్పీగా పని చేసిన ఏ.రవికుమార్ ప్రమోషన్ పొంది ఏసీపీగా బెల్లంపల్లికి బదిలీపై వచ్చారు. ఈ మేరకు బుధవారం ఏసీపీ ఆఫీస్లో బాధ్యతలు చేపట్టారు.
ఈ సందర్భంగా ఆయన మాట్లాడుతూ.. ప్రజలు, పోలీసుల సహకారంతో బెల్లంపల్లి డివిజన్లో శాంతిభద్రతల పరిరక్షణకు అన్ని విధాలా కృషి చేస్తానన్నారు. ప్రజలు తమకు ఏమైనా సమస్యలుంటే తనను నేరుగా సంప్రదించవచ్చన్నారు. నిత్యంఅందుబాటులో ఉండి ప్రజాసేవ చేస్తానని తెలిపారు.
