నేరేడుచర్ల, (పాలకవీడు), వెలుగు: రోడ్డు ప్రమాదానికి సంబంధించిన కేసులో పోలీసులు విచారణకు పిలిచారని మనస్తాపం చెందిన ఓ యువకుడు ఆత్మహత్య చేసుకున్నాడు.అయితే సంబంధం లేకున్నా అకారణంగా పిలిచి ఎంక్వైరీ చేశారని, బాధ్యులపై చర్యలు తీసుకోవాలని ఆరోపిస్తూ మృతుడి కుటుంబ సభ్యులు,స్నేహితులు డెడ్ బాడీతో పీఎస్ముందు ధర్నా చేశారు. ఈ ఘటన సూర్యాపేట జిల్లా పాలకవీడు మండలంలో చోటు చేసుకుంది. పోలీసుల కథనం ప్రకారం..డిసెంబర్ 31న రాత్రి 8:30 గంటలకు పాలకవీడుకు చెందిన పగడాల జ్యోతిబసు అతని స్నేహితుడు ఎర్రగోర్ల సైదులు గుడుగుంట్లపాలెం వైపు బైక్ పై వెళ్తున్నారు. శివారులోని పెట్రోల్ బంక్ సమీపంలో పాలకవీడుకే చెందిన షేక్ నాగుల్ మీరా (20) బైక్పై వెళ్తూ ఢీకొట్టాడు. దీంతో జ్యోతి బసు గాయపడ్డాడు. జ్యోతిబసు తండ్రి పాలకవీడు పీఎస్లో కంప్లయింట్ చేశాడు. దీంతో ఆదివారం విచారణ కోసం నాగుల్మీరాను పోలీసులు పిలిచారు. అయితే ప్రమాదానికి తనకు సంబంధం లేదని, తననే వారు వెనక నుంచి వచ్చి ఢీకొట్టారని వివరణ ఇచ్చి వెళ్లిపోయాడు. సోమవారం మళ్లీ పిలిపించి పెద్ద మనుషుల సమక్షంలో మాట్లాడారు. కానీ ఇక్కడేమీ తేలలేదు. తర్వాత నాగుల్మీరా ఇంటికి వెళ్లిపోయాడు.
మంగళవారం ఉదయం 11 గంటలకు ఇంట్లో ఫ్యాన్కు ఉరేసుకుని ఆత్మహత్య చేసుకున్నాడు. అయితే తప్పుడు కేసుపెట్టడంతోనే మనస్తాపం చెంది బలవన్మరణానికి పాల్పడ్డాడని, కేసు పెట్టిన వారిపై చర్యలు తీసుకోవాలని నాగుల్ మీరా మృత దేహంతో అతడి కుటుంబ సభ్యులు పాలకవీడు పోలీస్ స్టేషన్ ఎదుట రాస్తారోకో చేశారు. 4 గంటలకు పైగా నిరసన తెలపడంతో నేరేడుచర్ల–జాన్పహాడ్ రోడ్డు పై ట్రాఫిక్జామ్ ఏర్పడింది. దీంతో కోదాడ డీఎస్పీ వెంకటేశ్వర రెడ్డి, హుజూర్ నగర్ సీఐ రామలింగారెడ్డి వచ్చి మాట్లాడారు. న్యాయం చేస్తానని హామీ ఇచ్చినా ధర్నా విరమించలేదు. దీంతో సర్కిల్ఎస్సైలు సైదులు గౌడ్, నవీన్ కుమార్, కొండల్ రెడ్డి, వెంకటరెడ్డి, రవి ఆందోళనకారులను చెదరగొట్టి మృతదేహాన్ని హుజూర్ నగర్ ప్రభుత్వ హాస్పిటల్కు తరలించారు
