అచ్చంపేట, వెలుగు: నల్లమల ప్రాంతంలో వెనకబడిన గిరిజనుల అభివృద్ధికి కృషి చేస్తానని అచ్చంపేట ఎమ్మెల్యే డాక్టర్ వంశీకృష్ణ తెలిపారు. ఆదివారం గిరిజన సేవా సంఘం ఆధ్వర్యంలో సేవాలాల్ జయంతిని నిర్వహించారు. పట్టణంలో ర్యాలీ తీశారు. బంజారా యువతులు నృత్యాలు చేస్తూ సందడి చేశారు. ఎమ్మెల్యే వంశీకృష్ణ గిరిజనులతో కలిసి డ్యాన్స్ చేశారు.
అనంతరం గిరిజన భవన్ వద్ద నిర్వహించిన భోగ్ భండార్లో పాల్గొని పూజలు చేశారు. లచ్చునాయక్, దగ్నా నాయక్, బీచ్యానాయక్, మోహన్లాల్, గోపాల్ నాయక్, చంతూ నాయక్, శ్రీరాం నాయక్, రాములు నాయక్, దేశ్యానాయక్, రాజగోపాల్, భరత్, రాంబాబు నాయక్, మంత్ర్యా నాయక్, భాస్కర్పాల్గొన్నారు.
మార్కెట్లో అన్నదానం ప్రారంభం
రైతుల ఆకలి తీర్చేందుకే మార్కెట్లో రైతులకు ఉచిత అన్నదాన కార్యక్రమం నిర్వహిస్తున్నట్లు ఎమ్మెల్యే వంశీకృష్ణ తెలిపారు. సీబీఎం ట్రస్ట్ ఆధ్వర్యంలో ఏర్పాటు చేసిన అన్నదాన కార్యక్రమాన్ని ఎమ్మెల్యే ప్రారంభించారు. వేరుశనగ రైతులు మార్కెట్ కు వచ్చి పస్తులు ఉండవద్దనే ఉద్దేశంతో ఈ కార్యక్రమం ఏర్పాటు చేసినట్లు తెలిపారు. మార్కెట్ సెక్రటరీ నర్సింహా, కౌన్సిలర్లు గౌరీశంకర్, సునీత, శారద, ఆకుల లావణ్య, రాజేందర్, వెంకటేశ్, రామనాథం పాల్గొన్నారు.
