ఆర్మూర్, వెలుగు: మున్సిపల్ఆస్తులకు నష్టం చేస్తున్న వారిపై చర్య తీసుకోవాలని కోరుతూ బీజేపీ నాయకులు గురువారం ఆర్మూర్ మున్సిపల్ఆఫీస్ లో కమిషనర్ కుర్చీకి వినతిపత్రం ఇచ్చి నిరసన తెలిపారు. తాము గతంలో బాధ్యులపై చర్యలు తీసుకోవాలని డిమాండ్ చేసినప్పటికీ కమిషనర్ చర్య తీసుకోలేదన్నారు. కనీసం వినతి పత్రం తీసుకునేందుకు సమయం ఇవ్వనందునే వినూత్నంగా నిరసన తెలిపామని బీజేపీ మున్సిపల్ ఫ్లోర్ లీడర్ జీవీ నర్సింహారెడ్డి తెలిపారు. మున్సిపల్ లో జరుగుతున్న అవినీతి అక్రమాలపై చర్యలు తీసుకోకపోతే ఆందోళన చేస్తామన్నారు. కార్యక్రమంలో బీజేపీ టౌన్ ప్రెసిడెంట్ ద్యాగ ఉదయ్, ఆకుల శ్రీనివాస్, మందుల బాలు, బాశెట్టి రాజ్ కుమార్, ఉదయ్ గౌడ్, దోండి ప్రకాశ్ తదితరులు పాల్గొన్నారు.
