మా ( మా మూవీ ఆర్టిస్ట్ అసోసియేషన్) అధ్యక్షుడు నరేష్ పై సినీ నటి హేమ తీవ్ర ఆరోపణలు చేశారు. రూ.5కోట్ల నిధులలో నరేష్ ఇప్పటి వరకు రూ.3 కోట్లే ఖర్చు చేశారని..మిగిలిన డబ్బులు ఏం చేశారని ప్రశ్నించారు. ఈ ఏడాది మా ఎన్నికలు జరగకుండా కొందరు ప్రయత్నాలు చేస్తున్నారన్నారు. ఎన్నికలు లేకుండా నరేష్ ను మళ్లీ కొనసాగించేందుకు ప్రయత్నిస్తున్నారన్నారు. అధ్యక్ష పదవి నుంచి దిగకుండా ఉండేందుకు నరేష్ ప్రయత్నిస్తున్నారన్నారు. ఈ ఏడాది మా ఎన్నికలు జరిగేలా చూడాలంటూ 200 మంది సభ్యులతో ఆమె సంతకాలు సేకరించారు. మా అధ్యక్ష ఎన్నికలకు ఈ సారి ఐదుగురు బరిలో దిగుతున్నారు. ప్రకాశ్ రాజ్, మంచు విష్ణు, హేమ, జీవిత రాజశేఖర్,సీవీఎల్ నరసింహరావు పోటీచేస్తామని ప్రకటించారు. ప్రకాశ్ రాజ్ ఇప్పటికే తన ప్యానెల్ ను ప్రకటించారు.