చూడ్డానికి అమాయకంగా, అందంగా కనిపించే ఈ అమ్మాయి, క్యారెక్టర్లోకి దిగితే మాత్రం శివంగిలా మారిపోతుంది. ఇప్పటివరకు డీ గ్లామర్ రోల్స్లోనే ఎక్కువగా కనిపించింది. స్పోర్ట్స్ డ్రామా సినిమాల్లో ఎదురులేని ఆడపులిలా ఆటాడేస్తుంది. పక్కింటి అమ్మాయిలా అనిపిస్తుంది. మొదటి సినిమాకే బెస్ట్ యాక్ట్రెస్గా అవార్డు సొంతం చేసుకున్న ఆమే రజీష విజయన్.
తన మాతృభాష మలయాళంలో టీవీ షో హోస్ట్గా కెరీర్ స్టార్ట్ చేసింది. లేటెస్ట్గా తమిళంలో ఎంట్రీ ఇచ్చి ధనుష్, సూర్యలతో స్ర్కీన్ షేర్ చేసుకుంది. ప్రెజెంట్ రవితేజ సినిమా ‘రామారావు ఆన్ డ్యూటీ’లో ఇద్దరు హీరోయిన్లలో ఒకరిగా నటిస్తోంది. అంటే... త్వరలోనే తెలుగు ఆడియెన్స్కి కూడా పరిచయం కాబోతుందన్నమాట. ఆమె గురించి మరెన్నో సంగతులు తన మాటల్లోనే...
‘‘కేరళలోని కాలికట్ జిల్లాలో పెరంబ్రా అనే ఊళ్లో1991లో పుట్టాను. అమ్మ పేరు షీలా, నాన్న విజయన్. చిన్నప్పుడు ఏదైనా మంచి సినిమా చూసినప్పుడు నేను కూడా వాళ్లలాగే యాక్టర్ అవ్వాలి అనిపించేది. కానీ, అమ్మ టీచర్. నాన్న ఆర్మీలో పనిచేసేవాళ్లు. దాంతో స్టడీ విషయంలో ఇద్దరూ చాలా స్ట్రిక్ట్. అందుకని నాకు ఎప్పుడూ చదువు మీదే దృష్టి ఉండేది. అప్పట్లో ల్యాప్ టాప్ లేదు. మొబైల్స్ ఫోన్స్ వాడడం తెలియదు. ఎగ్జామ్స్ వస్తే టీవీ చూసేది లేదు. కాబట్టి సినిమాలు తక్కువ చూసేదాన్ని. కానీ, యాక్టింగ్ మీద ఇంట్రెస్ట్ మాత్రం ఎక్కువే. అయితే ఇండస్ట్రీలో ఎవరూ తెలియదు. బ్యాక్గ్రౌండ్ లేదు. అందువల్ల అటువైపు వెళ్లడం కష్టమనిపించింది. దాంతో డాక్టర్ అవ్వాలని ఫిక్స్ అయ్యా. మెడికల్ ఎంట్రన్స్ టెస్ట్ కూడా రాశా. ఆ టైంలో సడెన్గా.. ఒక రియలైజేషన్. ‘నేను నా మనఃస్ఫూర్తిగా డాక్టర్ అవ్వాలనుకోవట్లేదు’ అనే విషయం అర్థమైంది.
దాంతో ఏం చేయాలా? అని మళ్లీ ఆలోచించాను. అప్పుడు జర్నలిజం అయితే బెటర్ అనిపించింది. పేరెంట్స్కి చెప్పాను. వాళ్లు నన్ను సపోర్ట్ చేశారు. ‘ఎందుకు డెసిషన్ మార్చుకున్నావ్? అని కూడా అడగలేదు. కచ్చితంగా చేయాలని ఫిక్స్ అయితే చెయ్’ అన్నారు. దాంతో ఢిల్లీలోని ‘అమిటీ యూనివర్సిటీ’కి అప్లై చేశాను. ఫస్ట్ ఇయర్ చదువుతున్నప్పుడు ప్రింట్ మీడియాకి వెళ్లాలనుకున్నా. సెకండ్ ఇయర్లో సినిమాలు తీయాలి. డైరెక్ట్ చేయాలి అనిపించింది. తర్వాత టెలివిజన్కి వెళ్లాలనుకున్నా.
టీవీ షో హోస్ట్గా...
‘కొత్త ఛానెల్ కోసం కొత్త యాంకర్స్ కావాలి’ అనే టీవీ యాడ్ చూసి, ఆడిషన్కి వెళ్లాను. సూర్య మ్యూజిక్ ఛానెల్లో నా ఫస్ట్ షో ‘100%లవ్’తో యాంకరింగ్ స్టార్ట్ చేశా. అక్కడ చేరిన మూడు వారాల్లోనే ఒక ట్రావెలాగ్ కూడా చేశాను. తర్వాత వరుసగా సూర్య టీవీలో ‘సూర్య ఛాలెంజ్’ పేరుతో వచ్చిన ఆరు రియాలిటీ షోలకి హోస్ట్గా చేశాను. తర్వాత ‘సుషీస్ కోడ్’ పేరుతో మరో రియాలిటీ షో అదే ఛానెల్లో చేశా. అది కూడా చాలా బాగా రన్ అవుతున్న టైంలో ‘మాజ్విల్ మనోరమ’ అనే మరో ఛానెల్ నుంచి ఒక కొత్త షో చేసే ఆఫర్ వచ్చింది. 2013 నుంచి 2015 వరకు నా టెలివిజన్ కెరీర్ సక్సెస్ఫుల్గా సాగింది.
మొదటి సినిమా
జర్నలిజం అయిపోగానే, టీవీలో యాంకరింగ్ చేస్తున్న నాకు మూవీ ఆఫర్లు కూడా వచ్చాయి. కానీ, ఆఫర్ల గురించి మా ఇంట్లో చెప్పలేదు. ఒక మంచి కథ వస్తే చేయాలని ఎదురుచూశా. అప్పుడే ‘అనురాగ కరిక్కిన్ వెల్లం’ సినిమా ఆఫర్ వచ్చింది. వాళ్ల టీం మెంబర్స్ నాకు ఫ్రెండ్స్. దాంతో ధైర్యంగా వెళ్లి ‘యాక్టింగ్ చేస్తా’ అని ఇంట్లో అడిగా. అప్పుడు కూడా వాళ్లు వెంటనే ‘ఓకే’ చెప్పారు. ఆ సినిమాకి ‘కేరళ స్టేట్ బెస్ట్ యాక్ట్రెస్ అవార్డ్’ వచ్చింది. ఒకప్పుడు టెలివిజన్ షోలు హోస్ట్ చేసిన నేను ఇప్పుడు గెస్ట్గా వెళ్లడం చాలా హ్యాపీగా ఉంది. ఈ సినిమాలో నాది చాలా కష్టమైన క్యారెక్టర్. కొంచెం ఎక్కువ లేదా తక్కువ ఎక్స్ప్రెస్ చేస్తే బాగోదు. దాంతో చాలా భయపడ్డా. అది కంప్లీట్ అయ్యాక కూడా నాకు కాన్ఫిడెన్స్ లేదు. రిలీజ్ అయ్యాక జనం రియాక్షన్ చూసినప్పుడు హ్యాపీగా ఫీల్ అయ్యా. అప్పుడు నేను యాక్టింగ్ చేయగలను అనే కాన్ఫిడెన్స్ వచ్చింది.
కోలీవుడ్ ఎంట్రీ
ఒక సినిమా కోసం ఫొటోషూట్ చేశాను. కొన్ని కారణాల వల్ల ఆ ప్రాజెక్ట్ ఆగిపోయింది. ఆ టైంలో డైరెక్టర్ మారి సెల్వరాజ్ నా ఫొటోలు చూశాడు. నేను ఇంతకు ముందు ఏం సినిమాలు చేశానో కనుక్కున్నారు. ఆ సినిమాల్లో డిఫరెంట్ ఏజెస్లో నా యాక్టింగ్, ఎమోషన్స్ ఆయనకు నచ్చాయట. దాంతో నేను ‘ఫైనల్స్’ అనే సినిమా చేస్తున్నప్పుడు ప్రొడక్షన్ టీం వచ్చి కలిశారు. ఆ సినిమాలో సైక్లిస్ట్ రోల్ చేస్తున్న నాకు షూటింగ్లో కాలికి దెబ్బ తగిలింది. తర్వాత కాలికి కట్టుకుని ఉన్నప్పుడు డైరెక్టర్ సెల్వరాజ్ వచ్చారు. నాతో గంటన్నరసేపు మాట్లాడారు. అప్పుడు నాకు తమిళంలో ఒక్క పదం కూడా రాదు. అందుకని మలయాళమే తమిళ యాసలో మాట్లాడా. ఆయన ఐడియాలజీ నాకు బాగా నచ్చింది. తమిళంలో ‘కర్ణన్’ కంటే ముందు వేరే సినిమా ఆఫర్లు వచ్చాయి. కానీ, అవేవీ నాకు నచ్చలేదు. ‘కర్ణన్’ ఆఫర్ రాగానే మంచి సినిమా, మంచి క్యారెక్టర్ అనిపించింది. అందుకే అదే డెబ్యూగా చేశా. ఆ సినిమా చేయడానికి ముందు పది రోజులు ట్రైనింగ్ తీసుకున్నా. షూటింగ్ జరిగే ఊళ్లో ప్రజలు ఎలా ఉంటారో అలానే ఉండాలని, నేచురల్గా కనిపించాలన్నారు. దానికోసం పదిరోజులు షూటింగ్ చేయలేదు. ఊరివాళ్లను గమనించి, వాళ్లు చెప్పినవి నేర్చుకోమన్నారు. ఆ తర్వాతే నా సీన్స్ తీశారు. ఆ టైంలో మొదట భాష రాదని, రెండోది ధనుష్లాంటి స్టార్ హీరో పక్కన చేస్తున్నా.. ఎక్కువ టేక్లు తీసుకుంటే ఎలా ఫీలవుతారో అని ఈ రెండు విషయాల్లో భయపడ్డా. కానీ, ధనుష్ నన్ను బాగా ఎంకరేజ్ చేశాడు. దాంతో నేను కంఫర్టబుల్గా చేయగలిగాను. ఎప్పటికైనా ప్రపంచాన్ని చుట్టి రావాలనేది నా డ్రీమ్. కొత్త మనుషులతో మాట్లాడటం ఇష్టం. మ్యూజిక్ వింటా. ఇండియాలో ఉన్న ఐలాండ్స్ అన్నీ చూసి రావాలనుకుంటున్నా.
అవన్నీ ఒక్క సినిమాకే...
ఏసియావిజన్, కేరళ స్టేట్ బెస్ట్ యాక్ట్రెస్, ఏసియానెట్ ఫిల్మ్, సీపీసీ సినీ, సెకండ్ ఐఫా ఉత్సవం, సైమా అవార్డులన్నీ మొదటి సినిమా ‘అనురాగ కరిక్కిన్ వెల్లం’(మలయాళం)కి వచ్చాయి. వనిత ఫిల్మ్, ఫిల్మ్ ఫేర్ సౌత్ అవార్డులకు నామినేట్ అయ్యా. ‘జూన్’ సినిమాకు బెస్ట్ సెకండ్ యాక్ట్రెస్గా ‘రాము కర్యత్’ అవార్డు దక్కింది. ఏసియానెట్ ఫిల్మ్, సైమా అవార్డులకు నామినేట్ అయింది. ‘ఫైనల్స్, స్టాండ్ అప్’ సినిమాలు ఏసియా నెట్ ఫిల్మ్ అవార్డ్స్కి నామినేట్ అయ్యాయి.
- తమిళం, మలయాళంలో డిఫరెంట్ రోల్స్ చేశాను.
- వచ్చిన అవకాశాన్ని ఎలా ఉపయోగించుకుంటున్నాం అనేది మన మీదే డిపెండ్ అయి ఉంటుంది.
- ఒకేసారి నాలుగైదు సినిమాలు చేయలేను. అలా చేస్తే ఏదీ పర్ఫెక్ట్గా చేసినట్టు అనిపించదు. ఒక సినిమా చేస్తున్నానంటే అది కంప్లీట్ అయ్యే వరకు వేరే ప్రాజెక్ట్కి వెళ్లను. అందుకనే పదేండ్లలో ఐదు సినిమాలే చేశాను.
